Cnonyn Aflonydd

Oddi ar Wicipedia
(Ailgyfeiriad oddi wrth Cyfres y Cewri: 23. Cnonyn Aflonydd)
Jump to navigation Jump to search
Cnonyn Aflonydd  
Cyfres y Cewri 23 Cnonyn Aflonydd (llyfr).jpg
Awdur Angharad Tomos
Teitl gwreiddiol Cnonyn Aflonydd
Gwlad Cymru
Iaith Cymraeg
Cyfres Cyfres y Cewri: 23
Pwnc (pynciau) Cofiannau
Genre(s) Llyfrau ffeithiol
Cyhoeddwr Gwasg Gwynedd
Dyddiad cyhoeddi 01 Gorffennaf 2001
Math o gyfrwng clawr meddal
Tudalennau 272
ISBN 9780860741749
Argaeledd mewn print

Hunangofiant gan Angharad Tomos yw Cnonyn Aflonydd. Gwasg Gwynedd a gyhoeddodd y gyfrol yn y gyfres Cyfres y Cewri a hynny yn 2001. Yn 2013 roedd y gyfrol mewn print.[1]

Disgrifiad byr[golygu | golygu cod y dudalen]

Ymgyrchwraig dros y Gymraeg yn ystod yr 1980au a'r 1990au yw Angharad Tomos, enillydd y Fedal Lenyddiaeth yn yr Eisteddfod Genedlaethol, ac awdures y gyfres o straeon i blant am Rwdlan a'i ffrindiau. Ceir 44 ffotograff du-a-gwyn.

Hanes sydd yma am berson sy'n arddel egwyddorion cryf. Mae ymrwymiad yr awdur i bwysigrwydd yr iaith Gymraeg ac, yn fwyaf arbennig, ei rôl allweddol ym mywyd a gweithgarwch Cymdeithas yr Iaith, yn cael sylw mawr. Ond daw egwyddorion pwysig eraill i'r amlwg hefyd – yr ymrwymiad cadarn at y ffydd Gristnogol ac at eglwys leol, ynghyd â phwysigrwydd cyfiawnder byd-eang. Mae'r teulu yn hanfodol bwysig iddi hefyd a chawn ddarlun o rieni arbennig ac o bump o chwiorydd.

Mae edmygedd yr awdur o rai cyfeillion yn gwbl amlwg, ond efallai yn llai gwresog at gyn-gydweithwyr o fewn Cymdeithas yr Iaith sydd bellach yn rhan o'r sefydliad Cymreig/Prydeinig. Y darlun sy'n aros yw un o berson sy'n cydnabod y pwysau sydd arni i gydymffurfio a chyfaddawdu ond sydd hefyd wedi ymdrechu, a llwyddo, i ddal gafael yn yr egwyddorion sydd wedi bod yn gynhaliaeth i'w bywyd. Mae ein hedmygedd ohoni yn fwy oherwydd hyn.

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Gwefan Gwales; adalwyd 16 Hydref 2013
  • Mae rhan o'r erthygl hon wedi'i sgwennu ar wefan Gwales, gan Richard H. Morgan.


Book template.svg Eginyn erthygl sydd uchod am lyfr. Gallwch helpu Wicipedia drwy ychwanegu ato.