Coeden deulu

Oddi ar Wicipedia
Neidio i: llywio, chwilio
Esiampl o goeden deulu

Siart sy'n arddangos perthnasau teulu ar ffurf strwythr coeden yw coeden deulu.

Ffurfiau[golygu]

Coeden deulu yn dangos hynafiaid Sigmund Christoph, Graf von Zeil und Trauchburg
Coeden deulu Ahnenblatt
Coeden deulu yn dangos perthynas pawb â'r prif berson mewn oren, a'r cyfran o enynnau maent yn eu rhannu.

Gall yr wybodaeth hel achau ei arddangos ar sawl ffurf, megis siart achau neu siart hynafiaid. Caiff coed teulu eu cyflwyno gan amlaf gyda'r genhedlaeth hynaf ar y top, a'r genhedlaeth mwyaf newydd ar y gwaelod. Bydd coeden ar ffurf siart hynafiaid yn debycach i goeden yn ei siap i gymharu â ffurfiau eraill. Mewn rhai siartiau, yn enwedig rhai sydd wedi cael eu cynhyrchu gan feddalwedd hel achau, bydd y siart yn cael ei chyflwyno ar ei hochr, gyda'r unigolyn ar y chwith a'r hynafiaid i'r ddebeing ohonynt. Bydd siart disgynyddion yn dadansoddi holl ddisgynyddion unigolyn, a bydd yn dangos yr unigolyn ar dop y siart, neu weithiau ar y chwith.

Gall coed teulu ddilyn nifer o themâu, megis dangos holl ddisgynyddion unigolyn, neu'r holl hynafiaid a wyddir amdanynt. Neu, gall ddangos holl aelodau teulu sydd â'r un cyfenw (h.y. y linach gwrywaidd fel rheol). Dull arall fyddai creu siart yn dangos perthynas deilydd swydd arbennig, megis Coeden deulu Brenhinoedd yr Almaen, sy'n dibynnu ar briodas llinachyddol i lynu'r teulu a'r swydd.

Hanes[golygu]

Mae'n debyg yr ymddangosodd y ddelwedd o goeden ar gyfer arddangos perthnasau teulu gyda chelfyddyd canoloesol Coeden Jesse, a ddefnyddwyd i ddadansoddi Achyddiaeth Christ yn nhermau proffwydoliaeth Isaiah (Isaiah 11:1). Mae'n debyg maei'r goeden gyntaf i ddangos teulu cyfan yn hyrach nag ond y linach wrywaidd oedd Genealogia deorum gentilium gan Boccaccio, sef llinach o dduwiau sy'n dyddio o 1360.

Delwedd:Genealogy-fan-chart.jpg
Esiampl o goeden deulu siart fan

Siart fan[golygu]

Un dechneg o arddangos coeden deulu yw siart fan, sef siart siap hanner cylch gyda cylchoedd cydganol. Bydd y prif berson yn ymddangos yn y cylch yng nghanol y siart, gyda'r rhieni yn yr ailch gyclh sydd wedi ei rannu'n ddau. Caiff y trydydd cylch ei rannu'n bedwar ar gyfer y neiniau a'r teidiau, ayb. Mae'r siart fel rheol yn arddangos y cyn-deidiau mamol a'r tadol.[1]

Gweler hefyd[golygu]

Cyfeiriadau[golygu]

  1. Fan Genealogy Chart, Melick Genealogists

Dolenni allanol[golygu]

Comin Wikimedia
Mae gan Gomin Wikimedia gyfryngau sy'n berthnasol i:
Wiktionary-logo-cy.png
Chwiliwch am coeden deulu
yn Wiciadur.