Cirrus

Oddi ar Wicipedia
Jump to navigation Jump to search
Cymylau Cirrus

Math o gwmwl yw cirrus neu wallt y forwyn.

Dyma gymylau sy'n hawdd iawn eu hadnabod. Maent fel blew hirion yn gorwedd i'r un cyfeiriad â'r gwynt fel arfer, â'u blaenau un ai yn syth neu yn cyrlio ar i fyny. Y rhain yw'r cymylau gweladwy uchaf; yn wahanol i'r cymylau is, grisialau rhew yn hytrach na diferion bychan o ddŵr yw'r rhain.

Enwau eraill[golygu | golygu cod y dudalen]

Maent yn aml yn arwydd bod ffrynt yn dynesu yn enwedig os bydd y blew yn graddol gynyddu ac yn ymuno gan newid i haen o Cirrocumulus neu 'draeth awyr'. Bryd hynny gall y blew geifr fod yn arwydd da bod ffrynt yn dynesu, pryd y gellir disgwyl i'r glaw gyrraedd o fewn 12 – 18 awr.

Os nad yw'r blew geifr yn ymuno a thewychu gallant fod yn gysylltiedig â thywydd braf. Bryd hynny fe'u disgrifir fel:

  • Clôs (trowsus)
  • Gwyddelod yn y gwynt (Llŷn).

Cyfeiriadau[golygu | golygu cod y dudalen]

Mae'r erthygl hon yn cynnwys testun a sgwennwyd ac a briodolir i Twm Elias ac a uwchlwythwyd ar Wicipedia gan Defnyddiwr:Twm Elias. Cyhoeddwyd y gwaith yn gyntaf yn Llên Gwerin (Cymdeithas Edward LLwyd).