Ci Canaan
 | |
| Enghraifft o'r canlynol | brîd o gi  |
|---|---|
| Màs | 18 cilogram, 25 cilogram |
| Gwlad | Palesteina, Canaan |
 Ffeiliau perthnasol ar Gomin Wicimedia | |
Ci sodli sy'n tarddu o Israel yw Ci Canaan. Gwarchotgwn a helgwn a fu'n byw yn y wlad ers oes y Beibl yw ei hynafiaid. Dros amser, trodd y mwyafrif ohonynt yn gŵn ysgymun hanner-gwyllt oedd yn byw yn yr anialwch. Dechreuodd rhaglen fridio yn y 1930au i ailddofi'r cŵn a'u hyfforddi'n warchotgwn ar gyfer cibwtsau.
Defnyddid cŵn Canaan yn ystod Rhyfel 1948 fel negesyddion, gwyliedyddion ac i leoli ffrwydron tir. Ym 1949 cafodd y dasg o ddatblygu'r brîd newydd ei gymryd gan sefydliad cŵn tywys.[1]
Ci cryf, deallus a hawdd ei hyfforddi yw Ci Canaan. Mae'n hoff o chwarae ac yn ffyddlon i'w berchennog a'i deulu ond yn ochelgar gyda phobl ddieithr. Saif tua 48 i 61 cm o uchter ac mae'n pwyso 16 i 25 kg. Mae ganddo glustiau sy'n sefyll i fyny a chynffon drwchus sy'n troi'n ôl dros y cefn. Mae ganddo gôt ddwbl o flew byr, sy'n wyn gyda marciau brown, du neu goch, neu'n lliw du neu frown gyda marciau gwynion.[1]
Cyfeiriadau
[golygu | golygu cod]- ↑ 1.0 1.1 (Saesneg) Canaan dog. Encyclopædia Britannica. Adalwyd ar 21 Medi 2016.