Côr Seingar
| Enghraifft o'r canlynol | côr  |
|---|
Ffurfiwyd Côr Seingar yn 2004 yn nhref Caerfyrddin. Nicki Roderick (nee Richley) yw arweinydd a sylfaenydd y Côr; Elin Mair Rees yw'r cyfeilydd. Mae'r Côr yn ymarfer ar nosweithiau Mawrth yn Festri Capel y Priordy, Heol y Prior, Caerfyrddin. Maent yn gôr 4 llais - Soprano, Tenor, Bas ac Alto. Maent yn canu yn y Gymraeg ac yn aml i'w gweld mewn eisteddfodau lleol, cyngherddau a phriodasau.
Mae'r Côr wedi rhyddhau CD o'r enw Eiliad, recordiwyd yn stiwdio Sonic One, Llangennech gyda Tim Hamill. Ceir rhestr o'r caneuon sydd ar y gryno ddisg ar wefan y côr. Mae holl elw gwerthiant y CD yn mynd tuag at elusennau lleol.
Comisiynodd y côr gyn-aelod i ysgrifennu cân yn arbennig i'r côr, Catrin Dafydd yw awdur geiriau 'Eiliad' ac Eric Jones yw cyfansoddwr y dôn. Mae'r gân i'w chanu ag unawdydd, ysgrifennodd Catrin hi er mwyn i gyn-aelod arall o'r côr ganu rhan yr unawd, sef y tenor adnabyddus, Robin Lyn Evans.