Brwydr Kursk

Oddi ar Wicipedia
Neidio i: llywio, chwilio
Delwedd:Sovietic T34 battle of kursk.jpg
Tanciau T34 y Fyddin Goch ym Mrwydr Kursk

Un o frwydrau allweddol yr Ail Ryfel Byd oedd Brwydr Kursk. Hi oedd y frwydr danciau fwyaf erioed, ac yn ystod y frwydr yma y cafwyd y colledion mwyaf mewn un diwrnod mewn brwydr awyr.

Ymladdwyd y frwydr o 4 Gorffennaf hyd 22 Gorffennaf 1943, rhwng byddin yr Almaen a byddin yr Undeb Sofietaidd, gerllaw dinas Kursk yn Oblast Kursk, Rwsia. Roedd gan yr Almaenwyr tua 800,000 o droedfilwyr, 3,000 o danciau a 2,000 o awyrennau, tra'r oedd gan y Fyddin Goch tua 1,3000,000 o droedfilwyr, 3,600 o danciau a 2,400 o awyrennau.

Roedd y frwydr yn rhan o ymosodiad strategol byddin yr Almaen. Er i'r Fyddin Goch ddioddef mwy o golledion na'r Almaenwyr, methodd yr ymosodiad a thorri trwy eu llinellau amddiffynol. Dyma'r tro olaf i fyddin yr Almaen fedru ymosod yn strategol ar raddfa fawr ar y ffrynt dwyreiniol, ac o hyn ymlaen fe'u gorfodwyd i encilio yn raddol. Gellir felly ystyried Kursk yn un o drobwyntau yr Ail Ryfel Byd.

Baner RussiaEicon awrwydr   Eginyn erthygl sydd uchod am hanes Rwsia. Gallwch helpu Wicipedia drwy ychwanegu ato.