Bodmin
 | |
| Math | tref, plwyf sifil  |
|---|---|
| Poblogaeth | 14,736 |
| Gefeilldref/i | Grass Valley, Bad Bederkesa, Ar Releg-Kerhuon |
| Daearyddiaeth | |
| Sir | Cernyw (Sir seremonïol) |
| Gwlad |  Cernyw  Lloegr |
| Cyfesurynnau | 50.466°N 4.718°W |
| Cod SYG | E04011404, E04002268 |
| Cod OS | SX071665 |
| Cod post | PL31 |
 | |
Tref a phlwyf sifil yng Nghernyw, De-orllewin Lloegr, yw Bodmin[1] (Cernyweg: Bosvena).[2]
Yng Nghyfrifiad 2011 roedd gan y plwyf sifil boblogaeth o 14,736.[3]
Yn hanesyddol, Bodmin oedd tref sirol Cernyw, nes i Lysoedd y Goron symud i Truro, canolfan weinyddol y sir heddiw. Ar gyrion y dref ceir Gwaun Bodmin. Mae Caerdydd 156.2 km i ffwrdd o Bodmin ac mae Llundain yn 344.4 km. Y ddinas agosaf ydy Truro sy'n 33.2 km i ffwrdd.
Credir fod Pedrog, sant cenedlaethol Cernyw, wedi sefydlu clas yma yn y 6g. Mae'r gair bod yn gytras â'r gair Cymraeg bod ac yn golygu 'preswylfod, trigfan'; mae'r ail elfen yn yr enw, menegh, yn cyfateb i mynach(od) yn Gymraeg: felly 'Trigfan y mynachod' yw ystyr yr enw.
Cychwynnwyd tri wrthryfel Cernywaidd ym Modmin. Yn 1497, arweiniodd Michael An Gof a Thomas Flamank fyddin o Gernywiaid i Blackheath yn Llundain lle cawsant eu trechu gan fyddin y brenin. Yn Awst yn yr un flwyddn, 1497, ceisiodd Perkin Warbeck ddiorseddu Harri VII o Loegr. Yn 1549, cychwynnwyd "Gwrthryfel y Llyfr Gweddi" yno gan Gernywiaid Catholig a wrthwynebai fwriad y brenin Protestant Edward VI o Loegr i orfodi llyfr gweddi newydd. Cyraeddasant Caerwysg yn Nyfnaint. Roedd galwad am gael cyfieithiad Cernyweg o'r llyfr gweddi hefyd. Lladdwyd tua 4,000 yn y gwrthryfel hwnnw.
Cyfeiriadau[golygu | golygu cod y dudalen]
- ↑ British Place Names; adalwyd 12 Mawrth 2021
- ↑ Maga Cornish Place Names; adalwyd 13 Awst 2017
- ↑ City Population; adalwyd 7 Mai 2019