Balchder Abertawe

Oddi ar Wicipedia
Neidio i: llywio, chwilio
Balchder Abertawe ym Mharc Singleton

Gŵyl balchder lesbiaid a hoywon ydy Balchder Abertawe a gynhelir yn ninas Abertawe, De Cymru. Cynhaliwyd yr ŵyl gyntaf ar Gae Lacrosse, ym Mharc Singleton ar y 28ain o Fehefin, 2009. Mynychodd dros 3,000 o bobl safle'r ŵyl,[1] lle gwelwyd cantorion a pherfformwyr drag yn difyrru'r dorf. Ymysg y perfformwyr, roedd y band Scooch a'r gantores Kelly Llorena. Defnyddiwyd y diwrnod hefyd i godi arian ac ymwybyddiaeth i'r elusen HIV ac AIDS, Terrence Higgins Trust.

Cynhaliwyd gŵyl 2010 ar 26 Mehefin[2] a mynychodd ychydig dros 3,000 o bobl y digwyddiad. Ymhlith y cantorion a ymddangosodd ar lwyfan oedd Anthony Costa o'r grŵp pop Blue a'r gantores Rozalla. Cafwyd perfformiad hefyd o ganeuon o'r sioe gerdd "Rent".

Dolenni allanol[golygu]

Cyfeiriadau[golygu]

  1. South Wales Evening Post 28-06-2009 (Saesneg). Adalwyd ar 28-06-2009
  2. "Gwefan Pink Paper". Archived from the original on 2012-07-14. http://archive.is/zgfI.  Adalwyd ar 15-07-2010
Gay flag.svg Eginyn erthygl sydd uchod am faterion lesbiaidd, hoyw, deurywiol neu drawsryweddol. Gallwch helpu Wicipedia drwy ychwanegu ato