Ariane Mnouchkine

Oddi ar Wicipedia
Jump to navigation Jump to search
Ariane Mnouchkine
Ariane Mnouchkine.jpg
Ynganiad LL-Q150 (fra)-Exilexi-Ariane Mnouchkine.wav Edit this on Wikidata
Ganwyd 3 Mawrth 1939 Edit this on Wikidata
Boulogne-Billancourt Edit this on Wikidata
Dinasyddiaeth Baner Ffrainc Ffrainc
Alma mater
  • L'École Internationale de Théâtre Jacques Lecoq Edit this on Wikidata
Galwedigaeth Actor, Cyfarwyddwr ffilm, Sgriptiwr, cyfieithydd, Ysgrifennwr Edit this on Wikidata
Cyflogwr
  • Collège de France Edit this on Wikidata
Tad Alexandre Mnouchkine Edit this on Wikidata
Gwobr/au Gwobr Ryngwladol Ibsen, Medal Kainz, Medal Goethe, Gwobr Goethe, Gwobr Kyoto Edit this on Wikidata
Gwefan http://www.theatre-du-soleil.fr/index.html Edit this on Wikidata

Awdures a chyfarwyddwr llwyfan o Ffrainc yw Ariane Mnouchkine (ganwyd 3 Mawrth 1939) sydd hefyd yn actores, yn gyfarwyddwr ffilm, sgriptiwr a chyfieithydd. Sefydlodd yr ensemble llwyfan Théâtre du Soleil ym 1964 ym Mharis. Mae hi wedi ysgrifennu a chyfarwyddo 1789 (yn 1974) a Molière (1978), ac yn 1989, cyfarwyddodd La Nuit Miraculeuse.[1]

Mae ganddi Gadair Celfyddyd Artistig yn y Collège de France, Gradd Anrhydeddus yn y Celfyddydau Perfformio o Brifysgol Rhufain III, a ddyfarnwyd yn 2005 a Doethur Anrhydeddus Llythyrau o Brifysgol Rhydychen, a ddyfarnwyd 18 Mehefin 2008. [2]

Fe'i ganed yn Boulogne-Billancourt, un o faestrefi Paris ar 3 Mawrth 1939. [3][4]

Mae Ariane Mnouchkine yn ferch i gynhyrchydd ffilm o Rwsia, Alexandre Mnouchkine a June Hannen (merch Nicholas Hannen). "Ariane" yw enw byr y cwmni cynhyrchu "Ffilmiau Ariane" (Les Films Ariane) a sefydlwyd gan ei thad.

Theatr[golygu | golygu cod y dudalen]

Aeth Mnouchkine i'r Brifysgol yn Lloegr ac astudiodd seicoleg cyn dychwelyd i'w gwreiddiau yn y theatr. Parhaodd i astudio 'astudiaethau theatr' yn L'École Internationale de Théâtre Jacques Lecoq lle sefydlodd Théâtre du Soleil (Theatr yr Haul) yn 1964 gyda'i chyd-fyfyrwyr. Mae'r cwmni'n parhau i berfformio, gyda beirniadaeth gymdeithasol a gwleidyddol yn rhan anhepgor o'u gwaith. Mae cynyrchiadau Théâtre du Soleil yn aml yn cael eu perfformio mewn lle cyfyngedig, parod, fel ysguboriau neu neuaddau chwaraeon gan nad yw Mnouchkine yn hoffi cael ei chyfyngu i lwyfanau traddodiadol. Yn yr un modd, mae'n teimlo na ellir cyfyngu theatr i'r "bedwaredd wal". Pan fydd cynulleidfaoedd yn mynd i mewn i gynhyrchiad mnouchkine, byddant yn aml yn gweld yr actorion yn paratoi (e.e. yn rhoi colur ar eu hwynebau) yn fyw o flaen eu llygaid.

Mae Mnouchkine wedi datblygu ei gwaith ei hun ar gyfer y llwyfan, e.e. 1789, gyda'i themau gwleidyddol, a llawer o waith pobl eraill e.e. Don Juan or Tartuffe gan Molière. Rhwng 1981 a 1984, cyfieithodd a chynhyrchodd cyfres o ddramâu William Shakespeare: Richard II, Twelfth Night, a Henry IV, Part 1.

Aelodaeth[golygu | golygu cod y dudalen]

Bu'n aelod o Academi Celf a Gwyddoniaeth America am rai blynyddoedd.

Anrhydeddau[golygu | golygu cod y dudalen]

  • Dros y blynyddoedd, derbyniodd nifer o anrhydeddau, gan gynnwys: Gwobr Goethe (2017)[5]


Cyfeiriadau[golygu | golygu cod y dudalen]

  1. Collège de France website Archifwyd 20 October 2007[Date mismatch] yn y Peiriant Wayback.; accessed 18 Ionawr 2016.
  2. Anrhydeddau: https://www.frankfurt.de/sixcms/detail.php?id=21489.
  3. Cyffredinol: http://data.bnf.fr/ark:/12148/cb11916343m; ffeil awdurdod y BnF; dyddiad cyrchiad: 10 Hydref 2015.
  4. Rhyw: http://data.bnf.fr/ark:/12148/cb11916343m; ffeil awdurdod y BnF; dyddiad cyrchiad: 10 Hydref 2015.
  5. https://www.frankfurt.de/sixcms/detail.php?id=21489.