Dodecanese

Y Dodecanese

Grŵp o ynysoedd yn nwyrain Gwlad Groeg yw'r Dodecanese (Groeg: Δωδεκάνησα) neu Y Deuddeng Ynys. Ystyr yr enw Groeg yw "Y Deuddeg Ynys" ond mae'n enw camarweiniol braidd. Ceir 15 prif ynys yn y grŵp heddiw a cheir trigfannau ar ambell ynys lai yn ogystal. Yn ddiwylliannol ac yn wleidyddol maent yn perthyn i Wlad Groeg ond yn ddaearyddol mae nhw'n perthyn i Asia Leiaf am eu bod yn gorwedd yn agos iawn i'w harfordir de-orllewinol. Mae'r enw 'Dodecanese' yn deillio o 1908 pan unodd deuddeg ynys mewn protest yn erbyn colli eu breintiau traddodiadol dan lywodraeth yr Otomaniaid, a roddwyd iddynt yn y 16g gan Suleiman y Mawreddog. Ystyrir ynys Rhodes, nad oedd yn un o'r deuddeg ynys gwreiddiol, fel y pennaf o'r Dodecanese heddiw gyda dinas Rhodes yn brifddinas y grŵp. Twristiaeth sy'n dominyddu'r economi lleol erbyn heddiw.

Y prif ynysoedd

Tref Pigadia ar ynys Karpathos

• Agathonisi (Αγαθονήσι)
• Astypalaia (Αστυπάλαια)
• Kalymnos (Κάλυμνος)
• Karpathos (Κάρπαθος)
• Kastellorizo (Καστελλόριζο)
• Kasos (Κάσος)
• Kos (Κως)
• Khalki (Χάλκη)
• Leros (Λέρος)
• Lipsos (Λειψοί)
• Nisiros (Νίσυρος)
• Patmos (Πάτμος)
• Rhodes (Rodos) (Ρόδος)
• Simi (Σύμη)
• Tilos (Τήλος)

Cyfeiriadau

Eginyn erthygl sydd uchod am Wlad Groeg. Gallwch helpu Wicipedia drwy ychwanegu ato