Ann Davies (Plaid Cymru)
| Ann Davies | |
|---|---|
 | |
| Ganwyd | Rhagfyr 1962  Llanarthne |
| Dinasyddiaeth | y Deyrnas Unedig |
| Alma mater | |
| Galwedigaeth | gwleidydd, cynghorydd, ffermwr, athro cerdd |
| Swydd | Aelod o 59ain Senedd y Deyrnas Unedig |
| Plaid Wleidyddol | Plaid Cymru |
Mae Ann Davies yn ffarmwraig, dynes fusnes a gwleidydd Blaid Cymru. Mae hi'n aelod seneddol San Steffan dros Gaerfyrddin ers Etholiad cyffredinol 2024.[1]
Fe'i etholwyd fel cynghorydd dros ward Llanddarog ar Gyngor Sir Caerfyrddin yn 2017. Cyhoeddodd ei ymddiswyddiad yn Ionawr 2025 er mwyn canolbwyntio ar ei swydd fel aelod seneddol.[2]
Gyrfa
[golygu | golygu cod]Mae gan Ann Davies brofiad yn y sector amaethyddiaeth ac mae hi wedi ffermio yn Llanarthne ers 1992. Mae hi hefyd yn gydberchennog meithrinfa leol a bu’n ddarlithydd mewn dysgu blynyddoedd cynnar ym Mhrifysgol Cymru Y Drindod Dewi Sant a chyn hynny bu’n gweithio fel athro cerdd peripatetig.[3]
Roedd Ann Davies, yn gynghorydd aelod cabinet dros faterion gwledig, cydlyniant cymunedol a pholisi cynllunio ar gyngor sir Gaerfyrddin.[4]
Dangosodd arolwg barn yn Chwefror 2024 bod Ann Davies ar y blaen i ennill 30% o bleidlais Caerfyrddin. Roedd y Torïaidd a Llafur yn gydradd ail gyda 24%; Jonathan Edwards fel ymgeisydd annibynol ar 10%; a’r Democratiaid Rhyddfrydol a Diwygio ar 4% yr un.[5]
Cyfeiriadau
[golygu | golygu cod]- ↑ "Caerfyrddin - General election results 2024". BBC News (yn Saesneg). Cyrchwyd 2024-07-05.
- ↑ "Ann Davies AS yn ymddiswyddo fel cynghorydd". BBC Cymru Fyw. 2025-01-28. Cyrchwyd 2025-01-28.
- ↑ "Councillor to officially launch her general election campaign this week". South Wales Guardian (yn Saesneg). 2024-01-17. Cyrchwyd 2024-02-01.
- ↑ Mansfield, Mark (2023-11-10). "Plaid Cymru picks general election candidate for new Carmarthen seat". Nation.Cymru (yn Saesneg). Cyrchwyd 2024-02-01.
- ↑ Mansfield, Mark (2024-02-01). "Double opinion poll boost for Plaid Cymru". Nation.Cymru (yn Saesneg). Cyrchwyd 2024-02-01.
| Senedd y Deyrnas Unedig | ||
|---|---|---|
| Rhagflaenydd: Alan Wynne Williams |
Aelod Seneddol dros Gaerfyrddin 2024 – presennol |
Olynydd: presennol |