Altocwmwlws
.JPG) | |
| Enghraifft o: | math o gwmwl  |
|---|---|
| Math | Cwmwlws, cwmwl ar lefel ganolog |
| Dynodwyr | |
| Freebase | /M/016839 |
 Ffeiliau perthnasol ar Gomin Wicimedia | |
Ffurfia'r altocwmwlws neu traeth awyr isel yn haenau torredig rhwng tua 6,500 a 18,000 troedfedd a cheir sawl math ohonynt. Un o'r ffurfiau mwyaf cyffredin yw nifer fawr o gymylau bychain crwn sydd bron â chyffwrdd ei gilydd, fel praidd o ddefaid yn llenwi'r awyr.
Disgrifiad
[golygu | golygu cod]Gwasgarir y cymylau Altocumulus un ai yn ddi-batrwm fel praidd o ddefaid yn weddol glos at ei gilydd, neu yn rhesi cyfochrog taclus a ddisgrifir fel 'defaid yn dilyn eu llwybrau'.
Gall y cymylau hyn ddwysáu nes i'r defaid unigol yn y rhesi glosio a chyffwrdd ei gilydd a chreu llinellau neu resi amlwg, tebyg i'r patrwm rhesog o grychau a welir ar dywod y traeth ar drai. Bryd hynny fe'u gelwir, yn 'draeth awyr' neu 'awyr draeth'. Ar yr uchder canolig hwn (6,500' – 18,000') bydd y llinellau yn weddol fras o'u cymharu â math tebyg ei olwg o draeth awyr a welir yn llawer uwch yn yr awyr (Siro-cwmwlws) sydd, oherwydd ei uchder, â'i resi yn ymddangos yn gul.
Dywediadau
[golygu | golygu cod]Dywediadau cyffredin am y patrwm rhesog hwn, boed uchel neu isel, yw:
- Traeth awyr – glaw drannoeth.
- Cymylau fel defaid Jeriwsalem – cawodydd (Cwm Gwendraeth)
- Defaid Jacob – cawodydd (Cwm Tawe). Defaid Jacob am eu bod yn ddeuliw, sef yn dywyll ar eu hochr gysgodol a gwyn yn wyneb yr haul.
Galeri
[golygu | golygu cod]
Altocumulus perlucidus
Altocumulus lenticularis neu 'pysgod awyr'
Altocwmwlws adeg machlud
Altocumulus floccus hefo llinell castellanus
Altocwmwlws yn ystod y dydd.- Fideo o altocwmwlws yn Tokyo
Cyfeiriadau
[golygu | golygu cod]
Mae'r erthygl hon yn cynnwys testun a sgwennwyd ac a briodolir i Twm Elias ac a uwchlwythwyd ar Wicipedia gan Defnyddiwr:Twm Elias. Cyhoeddwyd y gwaith yn gyntaf yn Llên Gwerin (Cymdeithas Edward LLwyd).