Afon Volkhov

Afon Volkhov ger Velikiy Novgorod a Mynachlog Yuriev

Afon yng ngogledd-orllewin Rwsia Ewropeaidd yn llifo drwy Oblast Novgorod ac Oblast Leningrad yw Afon Volkhov (Rwsieg Во́лхов). Mae'n llifo o Lyn Ilmen i'r gogledd i Lyn Ladoga, llyn mwyaf Ewrop. Hi yw'r unig afon i lifo allan o Lyn Ilmen. Ei hyd yw 224 km, a'i chwymp yw 15m. Rheolir lefel y dŵr gan Argae Hydroelectrig Volkhov (agorwyd 19 Rhagfyr 1926), a leolir 25 km i fyny o aber yr afon. Mae'r afon yn rhewi tua diwedd mis Tachwedd, ac yn toddi yn gynnar ym mis Ebrill. Y prif drefi a dinasoedd ar ei hyd yw Velikiy Novgorod, Kirishi, Volkhov a Novaya Ladoga.

Eginyn erthygl sydd uchod am Rwsia. Gallwch helpu Wicipedia drwy ychwanegu ato.