Abberton, Essex

Oddi ar Wicipedia
Neidio i'r panel llywio Neidio i'r bar chwilio
Abberton
Abberton and Langenhoe Essex.jpg
Mathpentref, plwyf sifil Edit this on Wikidata
Ardal weinyddolBwrdeistref Colchester
Daearyddiaeth
SirEssex
(Sir seremonïol)
GwladBaner Lloegr Lloegr
Cyfesurynnau51.8337°N 0.9118°E Edit this on Wikidata
Cod SYGE04003978 Edit this on Wikidata
Cod OSTM007190 Edit this on Wikidata
Cod postCO5 Edit this on Wikidata

Pentref a phlwyf sifil yn Essex, Dwyrain Lloegr, ydy Abberton.[1] Fe'i lleolir yn ardal an-fetropolitan Bwrdeistref Colchester. Saif oddeutu 0.62 milltir (1.00 km) i'r dwyrain o Gronfa Ddŵr Abberton ac mae 4.2 milltir (6.8 km) i'r de o dref Colchester. Mae'r pentref yn etholaeth seneddol Gogledd Essex. Gwasanaethir y pentref gan Gyngor Plwyf Abberton a Langenhoe.

Mae swyddfa bost a thafarn yn y pentref.

Yng Nghyfrifiad 2011 roedd gan y plwyf sifil boblogaeth o 424.[2]

Hanes[golygu | golygu cod y dudalen]

Cofnodir Abberton yn Llyfr Dydd y Farn (1086-7) fel Edburghetuna,[3] ac fel Edburgetuna yng Nghantref Winstree, pan oedd yn rhan o diroedd Eustace yn Essex, a deilwyd gan Ralph de Marcy ac a deilwyd ymhellach gan Ranulf Peverel mewn demen; fe'i deilwyd gan Siward, dyn rhydd, fel maenor, yn amser y Brenin Edward cyn y goncwest Normanaidd yn 1066.

Eglwys[golygu | golygu cod y dudalen]

Eglwys blwyf Abberton yw Eglwys St Andrew. Fe'i lleolir ar ddiwedd Rectory Lane tua thri chan llath o Gronfa Ddŵr Abberton. Mae'r eglwys yn Adeilad bach o garreg a brics; mae'n cynnwys cangell, corff, porth deheuol a thŵr gorllewinol o frics sy'n cynnwys un gloch: adferwyd yr eglwys, ym 1884, ac eto ym 1917-18. Mae cofrestri'r eglwys yn dyddio o tua'r flwyddyn 1559.[4]

Cyfeiriadau[golygu | golygu cod y dudalen]

  1. British Place Names; adalwyd 7 Gorffennaf 2021
  2. City Population; adalwyd 7 Gorffennaf 2021
  3. Abberton yn Llyfr Dydd y Farn (Domesday Book)
  4. History of Abberton adalwyd 2 Medi 2018]


Oriel[golygu | golygu cod y dudalen]

Flag of Essex.svg Eginyn erthygl sydd uchod am Essex. Gallwch helpu Wicipedia drwy ychwanegu ato.