Yuri Gagarin
| Yuri Gagarin | |
|---|---|
 |
|
| Geni | 9 Mawrth 1934 Oblast Smolensk, Rwsia |
| Marw | 27 Mawrth 1968 Rwsia |
| Enwog am | Y dyn cyntaf i deithio i'r Gofod |
| Galwedigaeth | Gofodwr, peilot |
Gofodwr Sofietaidd oedd Yuri Alekseyevich Gagarin (Rwseg: Юрий Алексеевич Гагарин) (9 Mawrth 1934 ger Smolensk - 27 Mawrth 1968); ef oedd y gofodwr cyntaf i deithio i'r gofod a hynny yn 1961. Roedd yn Arwr yr Undeb Sofietaidd.
[golygu] Bywgraffiad
Ganed Yuri Gagarin ger dinas Smolensk yn yr Undeb Sofietaidd ar 9 Mawrth 1934. Ar ôl gorffen ei addysg ysgol yn 1949, aeth Gagarin i sawl ysgol dechnegol cyn cofrestru i hyfforddi fel peilot yn Ysgol Uwch yr Awyrlu Orenburg yn 1955.
Fe'i hyfforddwyd fel cosmonaut (gofodwr). Lansiwyd y capsiwl gofod, Vostok 1, gyda Gagarin ar ei fwrdd ar 12 Ebrill 1961. Treuliodd Gagarin tua 90 munud yn y gofod, digon i fynd rownd y Ddaear unwaith, cyn glanio yn yr Undeb Sofietaidd. Gwelwyd yr hediad fel buddugoliaeth bropaganda anferth yn ystod y Rhyfel Oer.
Yn 1963 cafodd Gagarin ei benodi'n Is Gyfarwyddwr Canolfan Hyfforddi Cosmonawtiaid yr Undeb Sofietaidd. Yn 1966 bu'n aelod criw wrth gefn Soyuz 1 ac ar 17 Chwefror 1968 gorffennodd ei gwrs gradd yn y gwyddorau technolegol.
Cafodd ei ladd ar 27 Mawrth 1968 mewn damwain awyren tra'n peilotio awyren MIG-15.
[golygu] Diwylliant poblogaidd
Ceir cyfeiriadau at Yuri Gagarin yng nghân y Sibrydion, 'Diasbedain'.
