Ymosodiad ar dîm pêl-droed cenedlaethol Togo

Oddi ar Wicipedia
Neidio i: llywio, chwilio
Map o Dalaith Cabinda, allglofan sy'n rhan o Angola. Mae prif dir Angola i'r de ddwyrain gyda Gweriniaeth Ddemocrataidd y Congo (DRC) rhwng y ddwy diriogaeth (labelir y DRC ar y map gan ei chyn-enw, Zaire).

Ymosodiad terfysgol ar fws tîm pêl-droed cenedlaethol Togo oedd yr ymosodiad ar dîm pêl-droed cenedlaethol Togo, a ddigwyddodd ar 8 Ionawr 2010 wrth i'r tîm teithio trwy Dalaith Cabinda ar eu ffordd o Weriniaeth y Congo i brif dir Angola ar gyfer twrnamaint Cwpan Cenhedloedd Affrica 2010, a ddechreuodd ar 10 Ionawr.[1] Hawliodd cangen hollt go anadnabyddus o'r Ffrynt dros Ryddhad Clofan Cabinda (FLEC), mudiad ymwahanol o Cabinda, a adwaenir fel y Ffrynt dros Ryddhad Clofan Cabinda - Safbwynt Milwrol (FLEC-PM), gyfrifoldeb am yr ymosodiad.[2] Bu farw gyrrwr bws, rheolwr cynorthwyol y tîm Abalo Amelete, a swyddog y cyfryngau Stanislas Ocloo, a chafodd nifer eraill eu hanafu.[3] Honnodd Ysgrifennydd Cyffredinol y FLEC-PM Rodrigues Mingas, sydd ar hyn o bryd yn byw'n alltud yn Ffrainc, nad oedd yr ymosodiad yn targedu'r chwaraewyr Togoaidd ond yn hytrach y lluoedd Angolaidd ar flaen y cymdaith.[4] Yn ôl yr awdurdodau cadwyd dau berson a ddrwgdybir o gysylltiad â'r ymosodiad yn y ddalfa.[5] Honwyd i Ffrainc gefnogi'r grŵp ymwahanol a llochesu ei harweinwyr.[6]

Gweler hefyd[golygu]

Cyfeiriadau[golygu]

  1. (Saesneg) Assistant coach among dead in attack on Togo team. CNN (11 Ionawr 2010). Adalwyd ar 13 Ionawr 2010.
  2. (Saesneg) Togo footballers were attacked by mistake, Angolan rebels say. The Guardian (11 Ionawr 2010). Adalwyd ar 13 Ionawr 2010.
  3. (Ffrangeg) Liste des blessés lors de l'attaque contre le bus des Eperviers. Cymdeithas Newyddiadurwyr Chwaraeon Togo (8 Ionawr 2010). Adalwyd ar 13 Ionawr 2010.
  4. (Saesneg) Togo footballers were attacked by mistake, Angolan rebels say. The Guardian (11 Ionawr 2010). Adalwyd ar 13 Ionawr 2010.
  5. (Saesneg) Aleisha Tissen (11 Ionawr 2010). Two held over attack on team. The Citizen. Adalwyd ar 13 Ionawr 2010.
  6. (Saesneg) Angela Charlton (12 Ionawr 2010). Togo Bus Rampage Exposes France's Angola Ties. The New York Times. Adalwyd ar 13 Ionawr 2010.