William Baffin

Oddi ar Wicipedia
Neidio i: llywio, chwilio
William Baffin

Morwr o Sais oedd William Baffin (1584 - 23 Ionawr, 1622), yr enwir Ynys Baffin a Bae Baffin ar ei ôl.

Cafodd Baffin ei eni yn Llundain, yn ôl pob tebyg, yn 1584.

O 1612 hyd 1616 bu'n beilot ar gyfres o fordeithiau i chwilio am Dramwyfa'r Gogledd-orllewin (y Northwest Passage) yn yr Arctig i geisio ffordd trwodd i'r Cefnfor Tawel. Y pwysicaf o'r mordeithiau hynny oedd y rhai dan arweiniad Robert Bylot yn y Discovery, a aeth â nhw i Gulfor Hudson (1615) ac ymlaen i ddarganfod Bae Baffin (1616). Dyma'r fforio pwysicaf yn yr ardal hyd ddechrau'r 19eg ganrif pan gadarnhaodd y fforiwr Syr John Ross y darganfyddiadau yn 1818.

Yn ddiweddarach, aeth Baffin i wneud arolwg o'r Môr Coch (1616-1621). Cafodd ei ladd yng ngwarchae Ormuz yn 1622.