Thutmosis III

Oddi ar Wicipedia
Neidio i: llywio, chwilio
Thutmosis III, cerflun yn y Kunsthistorisches Museum, Fienna

Brenin yr Hen Aifft yn ystod y Deyrnas Newydd oedd Thutmosis III neu Thutmose III (ca. 1479 CC - 1425 CC). Ef oedd chweched brenin y 18fed brenhinllin.

Roedd Thutmosis III yn fab i'r brenin Thutmosis II ac un o'i wragedd, Isis. Bu farw Thutmosis II pan oedd Thutmosis III yn dal yn blentyn bychan, ac er i Thutmosis III ddod yn frenin mewn theori, cipiwyd grym gan Hatshepsut, prif wraig Thutmosis II. Bu Hatshepsut yn rheoli'r Aifft am 22 mlynedd, a dim ond ar ôl ei marwolaeth hi y daeth Thutmosis III yn frenin mewn gwirionedd.

Teyrnasodd Thutmosis III am 32 mlynedd wedi marw Hatshepsut, a dangosodd ei hun yn un o gadfridogion mwyaf galluog yr Hen Aifft. Dywedir iddo gipio 350 o ddinasoedd, ac erbyn diwedd ei oes, roedd ei deyrnas yn ymestyn o afon Ewffrates i dde Nubia. Ef oedd y cyntaf o frenhinoedd yr Aifft i ymgyrchu tu hwnt i afon Ewffrates, yn ystod ei ymgyrchoedd yn erbyn Mitanni. Cofnodir ei fuddugoliaethau mewn arysgrifau a cherfluniau ym nheml Karnak ger Luxor.

Rhagflaenydd :
Thutmosis II (yn swyddogol)
Hatshepsut
Brenin yr Hen Aifft
Thutmosis III
Olynydd :
Amenhotep II