Pegasus

Oddi ar Wicipedia
Neidio i: llywio, chwilio
Pegasus
Pegasus, 1914

Ceffyl adeiniog mewn mytholeg Roeg oedd Pegasos neu Pegasus (Hen Roeg: Πήγασος). Cenhedlwyd ef o ganlyniad i garwriaeth rhwng y Gorgon Medusa a Poseidon, duw'r môr. Daeth i'r byd o waed Medusa pan laddwyd hi gan Perseus.

Mae'n gymeriad yn yr hanes am Bellerophon, sy'n dal Pegasos a'i ddofi, ac yna yn ei ddefnyddio i ymladd yn erbyn y Chimaira a'r Amazoniaid. Ceisiodd Bellerophon hedfan i Olympos ar gefn Pegasos, ond gyrrodd y duwiau bryf i bigo Pegasos, a daflodd Bellerophon oddi ar ei gefn. Cyrhaeddodd Pegasos i Olympos, a daeth yn gariwr taranfolltau Zeus.

Mae Pegasos wedi rhoi ei enw i gytser Pegasos.

Gweler hefyd[golygu]