Lucius Tarquinius Superbus

Oddi ar Wicipedia
Lucius Tarquinius Superbus
Ganwyd6 g CC Edit this on Wikidata
Rhufain hynafol Edit this on Wikidata
Bu farw495 CC Edit this on Wikidata
Cumae Edit this on Wikidata
DinasyddiaethRhufain hynafol Edit this on Wikidata
Galwedigaethteyrn Edit this on Wikidata
SwyddKing of Rome Edit this on Wikidata
TadGnaeus Tarquinius, Lucius Tarquinius Priscus Edit this on Wikidata
MamUnknown, Tanaquil Edit this on Wikidata
PriodTullia Major, Tullia Minor Edit this on Wikidata
PlantSextus Tarquinius, Arruns Tarquinius, Tito Tarquinio, Tarquinia Edit this on Wikidata
LlinachTarquin dynasty Edit this on Wikidata

Lucius Tarquinius Superbus (teyrnasodd c. 534 CC - 509 CC, bu farw 496 CC) oedd brenin olaf Rhufain yn ôl yr hanes traddodiadol. Ef oedd yr olaf o'r tri brenin Etrwscaidd a deyrnasodd ar Rufain.

Roedd yn fab i bumed brenin Rhufain, Tarquinius Priscus. Wedi marwolaeth ei dad, cymerwyd yr orsedd gan Servius Tullius, a roddodd ei ddwy ferch mewn priodas i Lucius a'i frawd Arruns. Roedd y ferch hynaf, Tullia, yn briod ag Arruns, ond roedd hi'n anfodlon ar ei ddiffyg uchelgais ef, a dechreuodd berthynas a Lucius. Llofruddiasant Arruns a gwraig Lucius, ac yna Servius Tullius, a daeth Lucius yn frenin.

Ystyrid ei deyrnasiad yn ormesol, a daeth ei fab, Sextus, yn fwy amhoblogaidd fyth. Dechreuodd y digwyddiadau a arweiniodd at ddiwedd y frenhiniaeth pan reibiodd Sextus Lucretia, gwraig Collatinus. Dywedodd Lucretia wrth ei gŵr beth oedd wedi digwydd, yna lladdodd ei hun. Ymunodd Collatinus ag eraill, yn arbennig Lucius Junius Brutus, i yrru Lucius a Sextus o Rufain, a sefydlu Gweriniaeth Rhufain.