Hermann Buhl

Oddi ar Wicipedia
Neidio i: llywio, chwilio

Dringwr o Awstria oedd Herman Buhl (21 Medi 1924 - 27 Mehefin 1957).

Ganed ef yn Innsbruck, a daeth yn adnabyddus am ei gampau yn yr Alpau, yn cynnwys dringo wyneb gogleddol y Piz Badile ar ei ben ei hun, y tro cyntaf i hyn gael ei wneud. Yn 1953 daeth yn enwog trwy fod y cyntaf i ddringo Nanga Parbat (8,125 m). Dringodd i'r copa ar ei ben ei hun, y tro cyntaf i hyn ddigwydd ar gopa dros 8,000 medr. Ar y ffordd i lawr, bu raid iddo dreulio noson ar ei sefyll, uwchben 8,000 medr. Mae Buhl yn adrodd yr hanes yn ei lyfr Achttausend drüben und drunter (Nymphenburger, München).

Yn ddiweddarach, ef a Marcus Schmuck, Fritz Wintersteller a Kurt Diemberger oedd y cyntaf i gyrraedd copa Broad Peak yn 1957. Ef a Diemberger yw'r unig ddau berson i fod y cyntaf ar gopa dau fynydd dros 8,000 medr. Ychydig yn ddiweddarach, lladdwyd Buhl wrth ddringo Chogolisa.