Henry Deane

Oddi ar Wicipedia
Neidio i: llywio, chwilio

Clerigwr a fu'n Esgob Bangor ac yn ddiweddarach yn Archesgob Caergaint oedd Henry Deane (c. 1440 - 15 Chwefror 1503).

Ceir cofnod amdano fel Canon yn Llanthony Secunda ger Caerloyw yn 1457. Apwyntiwyd ef yn Arglwydd Ganghellor Iwerddon yn 1494, yna yn 1496 yn Ddirprwy Raglaw Iwerddon, ond symudwyd ef o'r swydd ymhen ychydig fisoedd oherwydd ei berthynas ddrwg a'r offeiriaid lleol.

Apwyntiwyd ef yn Esgob Bangor ar 13 Ebrill 1494. Ar 7 Rhagfyr 1499, trosglwyddwyd ef i fod yn Esgob Salisbury. Ar 26 Ebrill 1501, apwyntiwyd ef yn Archesgob Caergaint; y mynach cyntaf i ddal y swydd ers 135 mlynedd, a'r olaf.