Gweriniaeth Ffederal Canolbarth America

Oddi ar Wicipedia
Neidio i: llywio, chwilio
Baner Gweriniaeth Ffederal Canolbarth America

Gwladwriaeth yng Nghanolbarth America yn hanner cyntaf y 19eg ganrif oedd Gweriniaeth Ffederal Canolbarth America, yn wreiddiol Taleithiau Unedig Canolbarth America.

Sefydlwyd y wladwriaeth yn 1823, ar batrwm Unol Daleithiau America, wedi i'r diriogaeth yma ennill annibyniaeth oddi ar Ymerodraeth Sbaen. Roedd yn cynnwys taleithiau Guatemala, El Salvador, Honduras, Nicaragwa a Costa Rica. Ar 5 Mehefin 1838 ychwanegwyd Los Altos, tiriogaeth sy'n awr yn dalaith Chiapas yn Mexico.

Daeth yr undeb i ben rhwng 1838 a 1840. Ymwahanodd Nicaragwa o'r ffederasiwn ar 5 Tachwedd 1838, a dilynwyd hi gan Honduras a Costa Rica. Erbyn 1840, roedd pedwar o'r pum aelod wedi eu cyhoeddi eu hunain yn annibynnol, er na ddaeth yr undeb i ben yn swyddogol hyd Chwefror 1841, pan gyhoeddodd El Salvador ei hannibyniaeth.