Gustav Klimt

Oddi ar Wicipedia
Neidio i: llywio, chwilio
Gustav Klimt
Klimt.jpg
Gustav Klimt, 1914
Ganwyd 14 Gorffenaf, 1862
Baumgarten, Awstria
Bu farw 6 Chwefror, 1918
Fienna
Yn enwog am Judith a Phen Holofernes
Y Cusan
Galwedigaeth Peintiwr

Peintiwr Symbolaidd o Awstria oedd Gustav Klimt (14 Gorffennaf 1862 – 6 Chwefror 1918). Roedd yn aelod blaenllaw yn y sefydliad Celfyddydol Newydd yn Fienna. Mae ei brif waith yn cynnwys paentiadau, murluniau, darluniadau a darnau o gelfyddyd amrhywiol eraill. Un o brif bynciau gwaith Klimt oedd y corff benywaidd ac yn aml mae ei waith yn cynnwys elfen erotig.


Bywyd[golygu | golygu cod y dudalen]

Y Cusan, 1907–08
Adele Bloch-Bauer I, 1907

Yn fab i engrafwr, astudiodd Klimt yn Fienna pan fu'r ddinas ar ei anterth, yn brif ddinas gyfoethog Ymerodraeth Awstria-Hwngari. Ym 1880 cynhyrchodd murluniau yn arddull clasurol-realistig y cyfnod ar gyfer adeiladau cyhoeddus yn cynnwys y Burgtheater ac Amgeuddfa'r Kunsthistorisches.

Datblygodd ei waith i fod yn fwy arbrofol, ond beirniadwyd ei furluniau ar gyfer adeilad Prifysgol Fienna am eu delweddau rhyfeddol a'u harddull addurniadol, bras.

Fel canlyniad i'r feirniadaeth, ym 1897 bu'n un o'r arlunwyr a ffurfiodd y grŵp Wiener Sezession (Ymwahaniad Fienna) i herio'r sefydliad celfyddydol ceidwadol.

Wedi'i ddylanwadu gan fudiadau celfyddydol avant-garde o wledydd eraill Ewrop datblygodd ar ddiwedd ei oes arddull cyfoethog gyda symbolaeth gymhleth ac yn aml gynnwys erotig.

Ar ôl 1900 canolbwyntiodd ar bortreadau a thirluniau, er iddo gynhyrchu dau o'i furluniau mwyaf yn ystod y cyfnod yma, y Frieze Beethoven ac arddangoswyd ym 1902, ac ardduneddau ar gyfer y Palais Stoclet, Brwsel (1904-1911).

Treilliodd Klimt yr haf yn Attersee, ger Salzburg, a ysbrydolodd llawer o'i dirluniau a ble peintiodd rhai o'i weithiau mwyaf adnabyddus yn cynnwys Y Cusan, 1907-8.[1]

Cafodd nifer o'i weithiau eu difetha yn ystod yr Ail Ryfel Byd.

Gwerthodd ei lun Adele Bloch-Bauer I (1907), am $135 miliwm yn Efrog Newydd yn 2006 [2]

Dolenni allanol[golygu | golygu cod y dudalen]

Oriel[golygu | golygu cod y dudalen]

Cyfeiriadau[golygu | golygu cod y dudalen]

  1. http://www.clarkart.edu/exhibitions/klimt/klimt/bio.cfm
  2. Vogel, Carol (2006-06-19). "NY Times report from June 19, 2006". Nytimes.com. Retrieved 2011-05-15..
Comin Wikimedia
Mae gan Gomin Wikimedia gyfryngau sy'n berthnasol i: