Ellie Kemper

Ellie Kemper
Ganwyd	2 Mai 1980  Dinas Kansas
Man preswyl	Manhattan
Dinasyddiaeth	Unol Daleithiau America
Alma mater	Coleg Caerwrangon Prifysgol Princeton Ysgol John Burroughs, Missouri
Galwedigaeth	actor, actor teledu, actor ffilm, actor llais, ysgrifennwr
Tad	David Woods Kemper
Tîm/au	Princeton Tigers field hockey

Actores o Unol Daleithiau America yw Ellie Kemper (ganwyd 2 Mai 1980) sy'n cael ei hystyried yn nodedig am ei gwaith fel actor, actor teledu, actor ffilm, actor llais ac awdur.

Bywyd

Mae Elizabeth Claire Kemper yn actores Americanaidd ac yn ddigrifwraig. Cafodd ei geni yn Kansas City, Missouri, i Dorothy Ann (Jannarone) a David Woods Kemper, mab un o deuluoedd cyfoethocaf Missouri. Symudodd ei theulu i St Louis pan oedd Kemper yn bum mlwydd oed a chafodd ei magu yn Babydd. Mae’n briod a chanddi ddau o feibion.

Gyrfa

Mynychodd Ellie Kemper y Ysgol Gynradd Conway ym maestref cyfoethog Laude, Missouri, ac yna ysgol uwchradd John Burrows. Lle datblygodd ddiddordeb yn y theatr a chomedi byrfyfyr. Graddiodd o Brifysgol Princeton yn 2002 lle bu’n astudio Saesneg. Bu hefyd yn astudio ar gyfer gradd bellach mewn Saesneg yn Coleg Caerwrangon, Rhydychen.  Tra oedd yn fyfyrwraig yn Princeton datblygodd ei diddordeb mewn comedi byrfyfyr ymhellach a bu’n rhan o’r grŵp comedi Quipfire yn ogystal â’r Princeton Triangle Club. Yn ystod ei gyrfa mae wedi ymddangos mewn sawl rhaglen deledu a radio ac mae hi ei hun hefyd wedi ysgrifennu sawl sioe sgest gomedi – nifer ohonynt ar y cyd gyda Scott Eckert a oedd yn fyfyrwir gyda hi yn Princeton. Yn 2007 ymddangosodd mewn perfformiad o’r enw How To Kick People, oedd yn cyfuno comedi gyda pherfformiadau llenyddol. Ysgrifennodd a pherfformiodd yn ei sioe un ddynes gyntaf, Dumb Girls yn 2008.  Un o’r rhannau amlycaf iddi ei chwarae ar y teledu yw’r cymeriad Erin Hannon yn y gyfres The Office. Mae hefyd yn ymddangos yn y gyfres gomedi wreiddiol Unbreakable Kimmy Schmidt ar Netflix. Mae ei pherfformiad yn y rhaglen hon wedi cael ei gymeradwyo gan sawl un, a derbyniodd sawl enwebiad ar gyfer y Screen Actors Guild Award a’r Primetime Emmy Award for Outstanding Lead Actress in a Comedy Series. Cyhoeddodd ei chyfrol gyntaf, My Squirrel Days yn 2019.