Copa Adda
Oddi ar Wicipedia
| Copa Adda Mynyddoedd Sri Lanka |
|
|---|---|
 |
|
| Llun | Copa Adda (Sri Pada) |
| Uchder | 2,243m / 7,359 troedfedd |
| Gwlad | Sri Lanka |
Mynydd o siâp pigyrnaidd yng nghanolbarth Sri Lanka yw Copa Adda (Sinhaleg, Samanalakanda "Mynydd glöyn byw"; Tamileg, Sivanolipatha Malai; Saesneg Adam's Peak neu Adam's Mount). Mae'n adnabyddus fel lleoliad y Sri Pada ("ôl troed sanctaidd"), craig 1.8 m ger y copa, sy'n sanctaidd yn nhraddodiad Bwdhaeth fel ôl troed y Bwdha, i Hindŵiaid fel ôl troed y duw Shiva ac i Fwslemiaid fel ôl troed Adda. Am hynny mae'n gyrchfan pererindod gan Fadwyr, Hindwiaid a Mwslemiaid, ac i raddau llai gan Gristnogion ac Iddewon (oherwydd y cysylltiad honedig ag Adda'r Beibl).
Gorwedd y mynydd ym mharthau deheuol Ucheldiroedd y Canolbarth, yn ardal Ratnapura yn nhalaith Sabaragamuwa, tua 20 km i gyfeiriad y gogledd-ddwyrain o ddinas Ratnapura.
[golygu] Dolenni allanol
- (Saesneg) Gwefan y mynydd
