Bagloriaeth Cymru

Oddi ar Wicipedia
Neidio i: llywio, chwilio

Cymhwyster a ellir ei astudio yng Nghymru yw Bagloriaeth Cymru, a gyflwynwyd yn swyddogol ym mis Medi 2007 wedi cynllun beilot cael ei redeg yn 2005. Mae'n gymhwyster ar gyfer Cyfnodau Allweddol 4 a 5, sy’n cydnabod bron bob agwedd o fywyd. Mae’n rhoi cyfle i'r disgybl ddatblygu a gwella eu sgiliau allweddol yn ôl eu gallu a’u diddordebau personol. Cynigia amryw o brofiadau a chyfleoedd dysgu mewn ystod eang o feysydd, yn hytrach nag arholiad.

Mae Bagloriaeth Cymru wedi’i rhannu’n ddwy ran:

  • Opsiynau: cyrsiau/rhaglenni sydd ar gael ar hyn o bryd h.y. cyrsiau UG ac A2
  • Craidd: yn cynnwys pedair rhan h.y. Sgiliau Allweddol, Cymru, Ewrop a’r Byd, Addysg Gwaith-gysylltiedig ac Addysg Bersonol a Chymdeithasol.

Mae Diploma Uwch Bagloriaeth Cymru yn gyfwerth â phwyntiau UCAS a bydd eu gwerth yn debyg i radd A llawn (Lefel A) h.y. 120 pwynt. Mae cyflogwyr yn barod i gydnabod gwerth y Fagloriaeth hefyd, oherwydd ei fod yn brawf ychwanegol o addasrwydd y myfyriwr i waith.

"Mae’r sgiliau cyfan ynghyd â’r arbenigedd pwnc a ddatblygir trwy gyfrwng Bagloriaeth Cymru yn debygol o fod yn ddeniadol iawn i diwtoriaid sy’n ymwneud â mynediad myfyrwyr i brifysgolion." Yr Athro Jeff Thompson, Prifysgol Caerfaddon.

Gweler hefyd[golygu]

Nuvola apps bookcase.svg Eginyn erthygl sydd uchod am addysg. Gallwch helpu Wicipedia drwy ychwanegu ato