Baban dethol

Babi yn cysgu

Baban dethol (Saesneg: Designer baby) yw plentyn sydd â genynnau etifeddol sydd wedi cael eu dethol drwy ddefnyddio technoleg atgenhedlu genetig . Pwrpas hyn yw creu y cyfuniad perffaith o enynnau'r rhieni i sicrhau iechyd, rhyw a nodweddion esthetig megis lliw gwallt a lliw llygaid y plentyn.

Materion moesol

Mae yna lawer o bobl sy'n anghytuno â'r defnydd o dechnoleg atgenhedlu genetig oherwydd eu cred ei fod yn groes i natur ac nid yw’n cael ei dderbyn yn gymdeithasol oherwydd y posibilrwydd y gall hyn gael effaith mawr ar boblogaeth y byd. Ar y foment mae tua hanner poblogaeth y byd yn ddynion a'r hanner arall yn fenywod a phe caniateir dewis yna gall hyn gael effaith negyddol mewn gwledydd megis Tsieina ble mae statws y dyn yn uwch na’r fenyw.

Dolenni allanol

• Babanod dethol ar wefan y 'Grid Cenedlaethol ar gyfer Dysgu Cymru'
• (Saesneg) Bonsor, Kevin. Howstuffworks: How Designer Children Will Work

Gweler hefyd

• Bioleg
• Geneteg