Archangel

Oddi ar Wicipedia

Yn y Traddodiad Abrahamaidd, un o ddosbarth arbennig o angylion sy'n sefyll yn dragwyddol o flaen Duw yn y Nefoedd ac yn gweithredu fel negesydd Iddo weithiau yw archangel. Ffurfia'r archangylion y trydydd o'r corau o amgylch gorsedd Duw. Mewn Cristnogaeth, fe'u darlunir yn gyffredinol fel bodau asgellog o ymddangosiad dynol, gan amlaf yn gwisgo arfwisg. Mae'r archangylion yn rhan o draddodiad Iddewiaeth ac Islam hefyd.

Cyngor yr Angylion (Ангелскй Собор). Eicon Uniongred yn dangos y saith archangel: (o'r chwith i'r dde) Jegudiel, Gabriel, Selaphiel, Mihangel, Uriel, Raphael, Barachiel. O dan y mandorla o Grist Emmanuel ceir y Sierubim (glas) a'r Seraphim (coch).

[golygu] Y saith archangel

Ceir saith archangel yn y traddodiad Cristnogol (cyfeiria Ioan at "y saith angel" sy'n sefyll o flaen Duw). Cyfeirir at bedwar ohonynt yn y Beibl, a dyma'r rhai mwyaf cyfarwydd o lawer:

• Gabriel
• Mihangel
• Raphael
• Uriel

Yn ogystal ceir tri arall nas enwir yn y Beibl. Yr enwau mwyaf cyffredin arnynt yw:

• Chamael
• Jophiel
• Zadkiel

Mae rhai traddodiadau yn sôn am archangylion eraill hefyd.

[golygu] Islam

Yn Islam, yr archangylion pwysicaf yw Mihangel neu Mikail (archangel cymhorthwy), Gabriel neu Jibril (archangel datguddiad; daeth â'r Coran at Fohamed), ac Angel Angau- a enwir gan amlaf yn Azra-eel neu 'Malak al-Maut' (Angel Angau), Israfel neu Israfil (yr archangel a fydd yn canu'r gorn ar Ddydd Brawd), Maalik (Ceidwad Uffern), Munkar a Nakir (angylion a fydd yn cwestiynu eneidiau'r meirw am eu buchedd) a Radwan (Ceidwad y Nef). Ceir dau angel arall hefyd - y Kiraaman-Katibeen - y cyfeirir atynt yn y Coran.

Eginyn erthygl sydd uchod am Gristnogaeth. Gallwch helpu Wicipedia drwy ychwanegu ato

Eginyn erthygl sydd uchod am Iddewiaeth. Gallwch helpu Wicipedia drwy ychwanegu ato

Eginyn erthygl sydd uchod am Islam. Gallwch helpu Wicipedia drwy ychwanegu ato