Amhureddu

Oddi ar Wicipedia
Neidio i: llywio, chwilio

Amhureddu yw'r term a ddefnyddir i gyfeirio at ddefnydd cyffuriau neu ddulliau meddygol eraill er mwyn gwella perfformiad unigolyn mewn chwaraeon. Mae amhureddu wedi cael ei wahardd gan y cyrff sy'n rheoli'r chwaraeon.

Heblaw am gymryd cyffuriau, mae yna ddull meddygol o amhureddu gwaed sy'n golygu derbyn trallwysiad gwaed neu ddefnyddio'r hormon erythropoietin (EPO). Ystyrir y defnydd o gyffuriau i fod yn anfoesol gan y rhan fwyaf o gyrff llywodraethu chwaraeon yn fyd eang, yn arbennig gan y Pwyllgor Olympaidd Rhyngwladol, er fod rhai yn dadlau nad yw'n wahanol i ddefnyddio gwisgoedd neu offer â technoleg newydd sy'n rhoi cymorth i'r perfformiad a rhoi mantais i'r cystadleuwyr sy'n eu defnyddio. Caiff amhureddu ei wahardd oherwydd yr effeithiau negyddol a welir oherwydd y cyffuriau ac amhureddu ar iechyd ac ar y gymdeithas, ac er mwyn cael cydraddoldeb a thegwch yn y maes chwaraeon.

Mae amhureddu hefyd yn digwydd mewn chwaraeon sy'n cynnwys anifeiliaid, ac nid bodau dynol yn unig, megis rasio ceffylau neu milgwn.

Gweler hefyd[golygu]

Sports icon.png Eginyn erthygl sydd uchod am chwaraeon. Gallwch helpu Wicipedia drwy ychwanegu ato.