Pwyllgor Olympaidd Rhyngwladol
Mae'r Pwyllgor Olympaidd Rhyngwladol (Ffrangeg: Comité International Olympique) yn fudiad sydd wedi'i leoli yn Lausanne yn Y Swistir. Crëwyd y Pwyllgor gan Pierre de Coubertin a Demetrios Vikelas ar 23 Mehefin 1894. Mae aelodaeth y Pwyllgor yn cynnwys y 205 o Bwyllgorau Olympaidd Cenedlaethol.
Mae'r POR yn trefnu'r Gemau Olympaidd modern a gynhelir yn yr Haf a'r Gaeaf, pob pedair blynedd. Trefnwyd y Gemau Olympaidd gan y Pwyllgor Olympaidd Rhyngwladol am y tro cyntaf yn Athens, Gwlad Groeg ym 1896; cynhaliwyd Gemau'r Gaeaf yn Chamonix, Ffrainc ym 1924. Tan 1992 arferai cynnal y Gemau Haf a Gaeaf yn yr un flwyddyn. Fodd bynnag, ar ôl y flwyddyn honno, symudodd y Pwyllgor Olympaidd Rhyngwladol Gemau'r Gaeaf fel eu bod yn disgyn rhwng y Gemau Haf, er mwyn cynorthwyo gyda'r trefniadau o gynnal dau ddigwyddiad dwy flynedd ar wahan i'w gilydd.
