Afon Saône

Afon Saône yn llifo heibio Lyon.

Afon yn nwyrain Ffrainc yw afon Saône; hi yw'r fwyaf o'r afonydd sy'n llifo i mewn i afon Rhône.

Mae'n tarddu yn Vioménil yn département Vosges. Fe'i gelwir y petite Saône hyd nes iddi gyrraedd Verdun-sur-le-Doubs, lle mae afon Doubs yn ymuno a hi. Mae'n ymuno ag afon Rhône yn Lyon. Dalgylch y Saône yw'r mwyaf yn Ffrainc, 30000 km². Yn y cyfnod Rhufeinig, fe'i gelwid yr Arar.