Tystion Jehofa

Oddi ar Wicipedia
Jump to navigation Jump to search
Tystion Jehofa yn pregethu o dŷ i dŷ yn Lisbon, Portiwgal.
Tystion Jehofa. Cynhadledd

Mae Tystion Jehofa yn fudiad crefyddol Cristnogol[1] adferiadol [2] a milflynyddol.[3]. Mae cymdeithasegwyr crefyddol wedi nodi'r grŵp fel sect adfentyddol.[4] Tarddiodd y grŵp o Fudiad Beiblaidd y Myfyrwyr ar ddiwedd y 19g gan Charles Taze Russell. Aeth trwy gyfnod o newid sylweddol rhwng 1917 a'r 1940au, wrth i'w strwythur awdurdod gael ei ganoli a'u dulliau o bregethu gael eu strwythuro ymhellach. Erbyn heddiw, dywedant fod ganddynt aelodaeth fyd-eang o tua 8,7 miliwn o bobl.[5]

Maent yn fwyaf adnabyddus am eu pregethu o ddrws-i-ddrws, ac am eu bod yn gwrthod gwasanaeth milwrol a thrawslifiadau gwaed. Mae safbwynt y grefydd ar wrthwynebiad cydwybodol wedi achosi iddynt wrthdaro â llywodraethau sy'n ymfyddino trigolion y wlad. O ganlyniad, mae gweithgarwch Tystion Jehofa wedi'i wahardd mewn rhai gwledydd.[6]. Mae Tystion Jehofa wedi cael dylanwad mawr ar gyfraith cyfansoddiadol yr Unol Daleithiau oherwydd eu hawliau sifil a'u gwrthwynebiad cydwybodol i wasanaeth milwrol.[7]

Ers 1876, mae dilynwyr y ffydd wedi bod yn credu eu bod yn byw yn nyddiau olaf y byd presennol.[8] Yn ystod y blynyddoedd a arweiniodd i fyny at 1914, 1925 a 1975, dywedodd cyhoeddiadau'r grefydd eu bod yn credu y byddai Armagedon yn ystod y blynyddoedd hyn. Arweiniodd hyn at nifer yn ymuno â Thystion Jehofa, dim ond i adael yn ddiweddarach.[9]

Cyfeiriadau[golygu | golygu cod y dudalen]

  1. "Jehovah’s Witness at a glance"[dolen marw]. BBC - Crefydd a Moesoldeb. BBC. Adalwyd 29 Rhagfyr 2008.
  2. Stark et al (1997). "Why Jehovah's Witnesses Grow So Rapidly: A Theoretical Application". Journal of Contemporary Religion 12 (2): 133-157.
  3. Oxford English Dictionary. "Jehovah's Witness: a member of a fundamentalist millenary sect" (Pwyslais wedi'i ychwanegu)
  4. Elliott, Joel. Encyclopedia of Religion and Society.[dolen marw] Hartford Institute for Religion Research, Harftord Seminary.
  5. "Y Ffeithiau—Byd-eang"
  6. "Tajikistan: Jehovah's Witnesses Banned". F18News. Adalwyd 18-10-2007
  7. Penton, M.J. (1997). Apocalypse Delayed. University of Toronto Press. p. 7. ISBN 0-8020-7973-3, 9780802079732. http://books.google.com.au/books?id=38SYXalMLeQC.
  8. Penton, M. J. (1997). Apocalypse Delayed (2nd ed.). University of Toronto Press. td. 1.
  9. Botting, Heather; Gary Botting (1984). The Orwellian World of Jehovah's Witnesses. University of Toronto Press. tf. 60–75. ISBN 0-8020-6545-7.

Dolenni allanol[golygu | golygu cod y dudalen]

Cruz template.svg Eginyn erthygl sydd uchod am Gristnogaeth. Gallwch helpu Wicipedia drwy ychwanegu ato.