Y Ferch o Ipanema

Oddi ar Wicipedia
(Ailgyfeiriad oddi wrth The Girl from Ipanema)
Neidio i: llywio, chwilio
Awduron: Astrud Gilberto, João Gilberto a Stan Getz

Problem wrth chwarae'r ffeil hon? Gweler media help.
Helô Pinheiro, sef "Y Ferch o Ipanema" gwreiddiol.

Cân bossa nova adnabyddus iawn a gafodd lwyddiant rhyngwladol yng nghanol y 1960au yw "Garota de Ipanema" ("Y Ferch o Ipanema"). Enillodd Wobr Grammy am Record y Flwyddyn ym 1965. Fe'i hysgrifennwyd ym 1962: y gerddoriaeth gan Antônio Carlos Jobim a'r geiriau Portiwgaleg gan Vinicius de Moraes; ysgrifennwyd y geiriau Saesneg gan Norman Gimbel yn ddiweddarach.[1]

Enw'r ferch a ysbrydolodd y gân yw Helô Pinheiro.[2]

Gwnaed y recordiad masnachol cyntaf ym 1962, gan Pery Ribeiro. Daeth y fersiwn a berfformiwyd gan Astrud Gilberto, ynghyd â João Gilberto a Stan Getz, o'r albwm Getz/Gilberto (1964), yn llwyddiant rhyngwladol, gan gyrraedd rhif 5 yn siart yr Unol Daleithiau a rhif 29 yn y Deyrnas Unedig. Mae nifer fawr o recordiadau o'r gân wedi'u defnyddio mewn amryw o ffilmiau, weithiau fel enghraifft ystrydebol o gerddoriaeth lifft, er enghraifft yn agos at ddiwedd y ffilm The Blues Brothers). Yn 2004, cafodd ei dewis gan Lyfrgell y Gyngres i fod yn un o hanner cant o recordiadau o'r flwyddyn honno i'w chynnwys ar 'Y Gofrestr o Recordiadau Cenedlaethol.[3]

Cyfeiriadau[golygu | golygu cod y dudalen]