Television Centre

Oddi ar Wicipedia
Jump to navigation Jump to search
Canolfan Deledu y BBC
BBC TV Centre.jpg
Mathadeilad Edit this on Wikidata
Agoriad swyddogol29 Mehefin 1960 Edit this on Wikidata
Sefydlwyd
  • 29 Mehefin 1960 Edit this on Wikidata
Daearyddiaeth
SirHammersmith a Fulham Edit this on Wikidata
GwladBaner Lloegr Lloegr
Cyfesurynnau51.5099°N 0.2263°W Edit this on Wikidata
Cod OSTQ2319580485 Edit this on Wikidata
PerchnogaethBBC Edit this on Wikidata
Statws treftadaethadeilad rhestredig Gradd II Edit this on Wikidata
Manylion

Adeilad yn White City yng ngorllewin Llundain yw Television Centre (TVC). Roedd yn gyn-bencadlys teledu i'r BBC. Cafodd ei hagor yn swyddogol ar 29 Mehefin 1960 a dyma oedd un o'r adeiladau cyntaf yn y byd ar gyfer cynhyrchu a darlledu rhaglenni teledu.

Daeth y rhan fwyaf o gynnyrch teledu cenedlaethol a rhyngwladol y BBC o'r Ganolfan Deledu, yn ogystal â Radio 5 Live ac, o 1998 ymlaen, y mwyafrif o raglenni newyddion y gorfforaeth. Ar 21 Medi 2010, cyhoeddodd Cyfarwyddwr Gweledigaeth y BBC, Jana Bennett, y byddai'r BBC yn stopio darlledu o Ganolfan Deledu'r BBC yn 2013.[1]

Yn 2012–2013 symudodd yr adrannau radio a theledu i Broadcasting House yng nghanol Llundain, fel rhan o ad-drefnu cyfleusterau'r BBC. Gwerthwyd y safle yn 2012 ac ail-ddatblygwyd y swyddfeydd i fflatiau a gwestai/bwytai. Cadwyd y 3 stiwdio teledu mwyaf ac fe'i uwchraddiwyd. Maent yn cael eu gweithredu gan BBC Studioworks. Ers 2018 mae ITV yn llogi dau stiwdio yn barhaol ers iddynt symud o ganolfan ITV yn 'The London Studios' ar y South Bank.

Am fod yr adeilad wedi bod yn gefnlen i nifer o raglenni'r BBC dros y blynyddoedd, fe'i ystyrir yn un o'r cyfleusterau hawsaf i'w adnabod unrhyw le.

Yn sgîl cynnydd sydyn ym mhrisiau adeiladau yn yr ardal leol, a achoswyd gan y ganolfan siopa arfaethedig Westfield, ystyriwyd fod yr adeilad mewn perygl. Mae bellach wedi cael ei amddiffyn rhag cael ei ddymchwel. Mewn cyhoeddiad ym mis Gorffennaf 2009 am y bwriad i amddiffyn yr adeilad, dywedodd gweinidog pensaernïaeth y llywodraeth Barbara Follett mai yno y crëwyd rhaglenni megis Doctor Who, Fawlty Towers a Blue Peter am y tro cyntaf. "It has been a torture chamber for politicians, and an endless source of first-class entertainment for the nation—sometimes both at the same time."[2]

Cyfeiriadau[golygu | golygu cod y dudalen]

  1. BBC1 to go live for coronation anniversary night in 2013 The Guardian, 21 Medi 2010
  2.  10 Gorffennaf 2009 (10 Gorffennaf 2009). Grade II listing for BBC Television Centre. Building Design.
Clock Tower - Palace of Westminster, London - September 2006-2.jpg Eginyn erthygl sydd uchod am Lundain. Gallwch helpu Wicipedia drwy ychwanegu ato.