Telesgop Gofod Hubble

Oddi ar Wicipedia
(Ailgyfeiriad oddi wrth Telesgop gofod Hubble)
Jump to navigation Jump to search
Telesgop Gofod Hubble
Hubble 01.jpg
Lansiwyd 24 Ebrill 1990
Perchennog NASA
Pellter o'r ddaear 600km
Gwefan Swyddogol http://hubble.nasa.gov/

Mae Telesgop Gofod Hubble yn delesgop enwog sydd yn cylchdroi o amgylch y Ddaear. Hwn oedd y telesgop optegol cyntaf o sylwedd i droi o gwmpas y Ddaear mewn orbit. Mae'r telesgop yn medru arsyllu 24 awr y dydd ac yn gallu cynhyrchu delweddau o'r awyr sy'n llawer cliriach na unrhyw delesgop daearol gan fod lleoliad y telesgop uwchben yr atmosffer. Enwyd y telesgop ar ôl y seryddwr Edwin Hubble.

Adeiladwyd y telesgop gan NASA ac yr ESA. Lleolir y telesgop 600 km uwchben y ddaear a lansiwyd ar y 24ain o Ebrill 1990. Mae'r telesgop yn cwblhau orbit cyfan o'r Ddaear mewn 97 munud sy'n golygu ei fod yn teithio 5 milltir mewn eilliad.

Mae'r Hubble ei hun tua'r un maint a bws ysgol fawr, ond yn ddigon bach i ffitio mewn ardal cargo Gwennol Ofod. Cafodd Telesgop Gofod Hubble ei atgyweirio yn 1993 oherwydd amherffeithrwydd y delweddau a gynhyrchir. Roedd yna broblem efo cromlin un o’r drychau, a danfonwyd gwennol ofod arall i fyny i atgyweirio'r broblem.