Portrait of the Artist as a Young Dog

Portrait of the Artist as a Young Dog

Enghraifft o'r canlynol	gwaith llenyddol
Awdur	Dylan Thomas
Gwlad	y Deyrnas Unedig
Iaith	Saesneg
Dyddiad cyhoeddi	1940
Lleoliad y gwaith	Abertawe

Casgliad o straeon byrion Saesneg gan Dylan Thomas yw Portrait of the Artist as a Young Dog ("Portread o'r Arlunydd fel Ci Ifanc"). Cyhoeddwyd gyntaf gan J. M. Dent ar 4 Ebrill 1940.

Mae'r straeon, a ysgrifennwyd dros nifer o flynyddoedd, yn lled-hunangofiannol ac yn ddigrif eu naws yn bennaf. Maent i gyd wedi'u gosod yn Abertawe, tref enedigol yr awdur, ac yn rhoi cipolwg ar ei fywyd, o'i blentyndod cynnar hyd at ei arddegau fel gohebydd ifanc i'r South Wales Daily Post.

Honnodd Thomas, mewn llythyr at Vernon Watkins, ei fod wedi "cadw'r teitl cellweirus am – fel y mae'r cyhoeddwyr yn cynghori – rhesymau gwneud arian".

Cynnwys

• "The Peaches"
• "A Visit to Grandpa's"
• "Patricia, Edith and Arnold"
• "The Fight"
• "Extraordinary Little Cough"
• "Just Like Little Dogs"
• "Where Tawe Flows"
• "Who Do You Wish Was with Us?"
• "Old Garbo"
• "One Warm Saturday"

Addasiad

Defnyddiwyd y teitl gan Clwyd Theatr Cymru ar gyfer taith theatrig trwy ysgrifau rhyddiaith Dylan Thomas ym mis Ebrill 2014.