Mimoza Kusari-Lila
| Mimoza Kusari-Lila | |
|---|---|
 | |
| Ganwyd | 16 Hydref 1975  Gjakova |
| Dinasyddiaeth | Cosofo |
| Alma mater |
|
| Galwedigaeth | gwleidydd |
| Swydd | Dirprwy Brif Weinidog |
| Plaid Wleidyddol | New Kosovo Alliance |
| Gwefan | http://mimozakusari.com/ |
Gwleidydd a gweinyddydd yw Mimoza Kusari-Lila (ganwyd 16 Hydref 1975 yn Gjakova, (Serbeg: Đakovica, Serbeg Cyrilig: Ђаковица) Talaith Sosialaidd Hunanlywodraethol Cosofo, Iwgoslafia). Etholwyd hi yn Faer Gjakova, Gweriniaeth Cosofo. Hi oedd y fenyw gyntaf i fod yn Faer yn hanes Cosofo.
Gyrfa academaidd a gwasanaeth[golygu | golygu cod]
Mae gan Lila radd meistr mewn gweinyddiaeth fusnes yn yr Unol Daleithiau. Yn ystod y cyfnod hwn, mynychodd astudiaethau yn yr Economics Institute, Prifysgol Colorado a Phrifysgol Duquesne yn Pittsburgh, lle y cwblhaodd radd meistr mewn e-fusnes. Mae ganddi hefyd radd mewn systemau rheoli a gwybodaeth yn y Gyfadran Economeg ym Mhrifysgol Prishtina, Cosofo. Dychwelodd i wleiddyddiaeth yn etholiadau 2009, lle bu'n rhedeg ar gyfer bwrdeistref Gjakova. Ar ôl brwydr gyfreithiol hir dros yr etholiadau a ymladdwyd, fe'i hetholwyd yn Is-Lywydd plaid Cynghrair Kosovo Newydd ym mis Rhagfyr 2009.
Cyn cael ei hamlygu mewn gwleidyddiaeth, gwasanaethodd Kusari-Lila fel cyfarwyddwr gweithredol y Siambr Fasnach America yn Cosofo (American Chamber of Commerce, AmCham), rhwng 2006-2009. Daeth Mimoza Kusari-Lila yn rhan o wleidyddiaeth a gwasanaeth cyhoeddus yn 2003 pan cafodd gynnig swydd llefarydd a chynghorydd gwleidyddol i'r Prif Weinidog Cosofo ar y pryd, Bajram Rexhepi.
Yn 2001, gweithiodd Mimoza Kusari-Lila ar prosiect Banc y Byd a USAID yn cefnogi busnesau Cosofo. Mae ei sgiliau arwain a rheoli eu profi tra bu'n gweithio fel rheolwr prosiect yn y American University Foundation of Kosovo ar gyfer Cosofo, a sefydlu y sefydliad. Arweiniodd ei gwaith at agoriad llwyddiannus y Brifysgol Americanaidd yn Cosofo, sydd bellach y sefydliad blaenllaw ym myd addysg y wlad a'r rhanbarth. Yn ystod gwrthdaro Cosofo 1998-1999, bu Mimoza Kusari-Lila yn gweithio yng ngwersylloedd ffoaduriaid y National Public Radio (NPR) yn Macedonia. Yn 1998-1999, bu'n gweithio i sefydliadau Meddygon Heb Ffiniau a'r Sefydliad ar gyfer Diogelwch a Chydweithrediad yn Ewrop (OSCE).
Gwleidyddiaeth[golygu | golygu cod]
Daeth yn Ddirprwy Brif Weinidog Cosofo a Gweinidog Masnach a Diwydiant ar 23 Chwefror 2011. Gwasanaethodd yn y swydd yma nes 2 Hydref 2013 pan ymddiswyddodd er mwyn sefyll etholiad i fod yn Faer Gjakova, dinas o oddeutu 95,000 o bobl yn ne orllewin Cosofo.
Safodd Kusari-Lila etholiad i fod yn Faer o dan faner plaid AKR (Aleanca Kosova e Re, Cynghrair Cosofo Newydd), plaid ganolig, rhyddfydol. Etholwyd hi yn Faer Gjakova yn 2013 o dan faner plaid AKR gan fod y ddynes gyntaf i fod yn Faer yn hanes Cosofo. Gwasanaethodd fel Maer nes 2017.
Personol[golygu | golygu cod]
Mae hi'n briod ag Arben Lila ac yn arddel ei gyfenw ac mae ganddynt dau blentyn.