Looking Back on Eighty Years

Oddi ar Wicipedia
Jump to navigation Jump to search
Data cyffredinol
Enghraifft o'r canlynolgwaith llenyddol Edit this on Wikidata
AwdurW. Somerset Maugham Edit this on Wikidata
Dyddiad cyhoeddi1962 Edit this on Wikidata

Casgliad o frasluniau hunangofiannol gan y llenor Seisnig W. Somerset Maugham yw Looking Back on Eighty Years a gyhoeddwyd mewn rhannau ym mhapur newydd y Sunday Express ym 1962.

Cychwynnodd Maugham ar y llyfr hwn yn Nhachwedd 1960, a wedi iddo ei orffen cafodd y llawysgrif ei chloi mewn cell banc. Addawodd Alan Searle, ysgrifennydd a chariad Maugham, na fyddai'r gwaith yn cael ei gyhoeddi. Pa beth bynnag ei ewyllys, nid oedd diddordeb yn y gwaith gan gyhoeddwyr Maugham, William Heinemann a Doubleday. Er gwaethaf, llwyddodd Searle i ddwyn perswâd ar Maugham i werthu'r gwaith i'r Sunday Express am £3500. Cyhoeddwyd Looking Back mewn wyth rhan yn y Sunday Express o 9 Medi i 28 Hydref 1962, a chyfrannodd Searle ffotograffau ac anecdotau'i hun i liwio'r penodau.[1]

Crewyd stŵr gan sylwadau a chyffesion yr awdur, yn enwedig ei sarhad ar gof ei gyn-wraig, Syrie Maugham, a fu farw ym 1955. Haera nad oedd erioed mewn cariad â Syrie, a'i reswm am ei phriodi oedd i gyfreithloni eu merch Liza. Disgrifiodd Syrie yn wraig benchwiban, ffroenuchel, hunanol, anonest, ac anfoesol. Bu rhwyg rhwng Somerset Maugham a Liza o ganlyniad i'w ddatgeliadau, a bu nifer o hen gyfeillion Syrie yn amddiffyn ei henw. Trodd y dramodydd Noël Coward ei gefn ar Maugham.[1]

Cyfeiriadau[golygu | golygu cod y dudalen]

  1. 1.0 1.1 Samuel J. Rogal, A William Somerset Maugham Encyclopedia (Westport, Connecticut: Greenwood Press, 1997), t. 137.