Llygod Ffyrnig

Oddi ar Wicipedia
Jump to navigation Jump to search
Llygod Ffyrnig
Llygod Ffyrnig Teip.png
Gwybodaeth gefndirol
Tarddiad Cwm Tawe
Cerddoriaeth Punk Rock
Blynyddoedd 1977-1980
Label(i) recordio Pwdwr
Cyn aelodau
Dafydd Rhys – Llais
Hywel Peckham – Gitâr
Gary Beard – Gitâr
Julian Lewis – Drymau
Pete Williams – Bâs
(& Huw Davies a Richard Zammit)
Cloriau recordiau Llygod Ffyrnig.Sengl 7 modfedd NCB a LP aml-gyfranog Labels Unlimited ar label Cherry Red
Cloriau recordiau Llygod Ffyrnig. Sengl NCB a LP aml-gyfranog Labels Unlimited

Roedd Llygod Ffyrnig yn grŵp punk Cymraeg o ardal Cwm Tawe.

Mae'n debyg mai Llygod Ffyrnig oedd y grŵp punk cyntaf i ganu'n Gymraeg[1].

Yr aelodau gwreiddiol oedd: Dafydd Rhys – Llais, Hywel Peckham – Gitâr, Gary Beard – Gitâr, Julian Lewis – Drymau, Pete Williams – Bâs.

Rhyddhawyd un sengl NCB ar y label Pwdwr yn 1978. Chwaraewyd ar raglen John Peel ar BBC Radio 1 a dewiswyd yn single of the week gan y cylchgrawn Melody Maker[2]

Ysgrifennwyd geiriau NCB gan Gary Melville sydd hefyd yn cael ei enwi'n rheolwr ar glawr cefn y record. Mae'r gân am ddewis anodd llawr o ddynion ifanc yng nghymoedd de Cymru ar y pryd - rhwng diweithdra neu i drio cael swydd beryglus a chaled mewn pwll glo gyda'r NCB (Bwrdd Glo Cenedlaethol). Y gytgan yw - Byw ar y dôl, rhyddid ffôl, dim ond silicosis sydd ar ôl (mae silicosis yn glefyd yr ysgyfaint sydd wedi'i achosi gan lwch pwll glo).

Cafodd 500 copi o'r sengl ei gwasgu yn wreiddiol a wedyn ail argraffiad gyda labeli blanc gwyn. Mae clawr NCB yn ddu a gwyn yn dangos llun photo-montage o löwr yn debyg iawn i steil Raoul Hausmann. Mae enw'r band mewn llythrennau wedi'u torri allan o bapur newydd yn debyg i glawr LP cyntaf y Sex Pistols.

Cafodd y gân NCB ei chynnwys ar LP aml-gyfrannog Labels Unlimited - The Second Record Collection - casgliad o recordiau o labeli pync a new wave ar label Cherry Red, Llundain yn 1979.[3].

Yn 1979 gadawodd Gary Beard a Julian Lewis a daeth Huw Davies mewn ar gitâr a Richard Zammit ar ddrymiau. Chwalodd y band yn 1980.[4]

Dolenni allanol[golygu | golygu cod y dudalen]

Cyfeiriadau[golygu | golygu cod y dudalen]