Gyrru gwyddau

Oddi ar Wicipedia
Jump to navigation Jump to search

Ddiwedd haf arferid gyrru'r gwyddau ar hyd y ffordd i Loegr i sofla i'w paratoi i'w gwerthu ar gyfer y Nadolig.[1]

Dyma Hugh Evans yn sôn am yr arferiad, "Gofynnid am amynedd mawr i yrru gwyddau, gan mai cerddwyr araf ac afrosgo ydynt, a threuliant lawer o amser yn clegar yn lle mynd yn eu blaenau. Clywais yr arferid eu pedoli un amser trwy roddi eu traed mewn pyg (olew du, tew) rhag iddynt frifo.

Dyma hen bennill:

Hen wraig fach yn gyrru gwyddau, ar hyd y nos,
O Langollen i Ddolgellau, ar hyd y nos,
Ac yn dwedyd wrth y llanciau,
"Gyrrwch chwi, mi ddaliaf innau!"
O Langollen i Ddolgellau, ar hyd y nos.

Cyfeiriadau[golygu | golygu cod y dudalen]

  1. Cwm Eithin gan Hugh Evans, (tudalen 123), Gwasg y Brython, 1931.