Ffwythiant gwaith

Ffwythiant gwaith

Math o gyfrwng	nodwedd ffisegol
Math	egni

Yn ffiseg cyflwr-solet, ffwythiant gwaith yw'r lleiafswm o waith thermodynamig (hy egni) sydd ei angen i symud electron o'r lefel Fermi (solid) i wactod sydd y tu allan i'r arwyneb solid. Hynny yw, yr egni sydd ei angen i echdynnu electron o solet.

Diffiniad

Mae'r ffwythiant gwaith W ar gyfer unrhyw arwyneb yn cael ei ddiffinio gan y gwahaniaeth

$W=-e\phi -E_{\rm {F}},$

ble mae −e yn cyfeirio at wefr yr electron, ϕ yw'r potensial electrostatig yn y gwactod ger yr arwyneb a E_F yw'r lefel Fermi (potensial electrstatig yr electronau) y tu fewn i'r deunydd. Mae'r term −eϕ yn cyfeirio at egni'r electron pan fo'n llonydd yn y gwactod ger yr arwyneb. H.y. mae'r ffwythiant gwaith yn cael ei ddiffinio fel y gwaith thermodynamig sydd ei angen i symud electron o'r deunydd i gyflwr llonydd yn y gwactod ger yr arwyneb.