Eiger

Oddi ar Wicipedia
Jump to navigation Jump to search
Eiger
Alpau
Yr Eiger, yn dangos yr wyneb gogleddol
Llun Yr Eiger, yn dangos yr wyneb gogleddol
Uchder 3,970m
Lleoliad Yr Alpau
Gwlad Y Swistir

Mynydd 3,970 metr o uchder yn yr Alpau yw'r Eiger. Saif yn y Swistir, ar ben dwyreiniol crib sydd hefyd yn cynnwys copaon y Mönch (4,107 m) a'r Jungfrau (4,158 m). Dringwyd y mynydd am y tro cyntaf ar 11 Awst, 1858, gan y Gwyddel Charles Barrington gyda'r tywysyddion Swisaidd Christian Almer a Peter Bohren. Mae rheilffordd yr Jungfraubahn yn arwain trwy dwnel tu mewn i'r mynydd i gyrraedd bwlch y Jungfraujoch, yr orsaf reilffordd uchaf yn Ewrop.

Yr hyn sy'n gwneyd yr Eiger yn enwog yw'r wyneb gogleddol, y Nordwand mewn Almaeneg. Bu farw nifer o ddringwyr yn y 1930au yn ceisio ei ddringo, cyn i Anderl Heckmair, Ludwig Vörg, Heinrich Harrer a Fritz Kasparek ei ddringo ar 24 Gorffennaf, 1938.

Yn 1981, ffilmiwyd y dringwr Cymreig Eric Jones yn dringo'r wyneb gogleddol ar ei ben ei hun gan Leo Dickinson, ffilm a gyhoeddwyd fel Eiger Solo.

Y man cychwyn arferol ar gyfer dringo'r Eiger yw pentref Grindelwald wrth ei droed.