Defnyddiwr:DafyddTudur

Oddi ar Wicipedia
(Ailgyfeiriad oddi wrth Defnyddiwr:PelaDiTo)
Jump to navigation Jump to search

Fy enw ydy Dafydd Tudur. Rwy'n enedigol o Gaerdydd, wedi byw ym Mangor, astudio yn Aberystwyth. Rydw i bellach yn byw yng nghyffiniau Aberaeron ac yn gweithio yn Llyfrgell Genedlaethol Cymru.

Diddordebau[golygu | golygu cod y dudalen]

Fy niddordeb pennaf yw hanes, ac yn arbennig hanes Cymru. Fy maes academaidd yw hanes Cymru'r 19eg ganrif, yn arbennig hunaniaeth, ymfudo, Anghydffurfiaeth, a datblygiad cenedlaetholdeb.

Addysg[golygu | golygu cod y dudalen]

Rwy'n gyn-ddisgybl Ysgol Gynradd Bro Eirwg (Caerdydd), Ysgol Gyfun Gymraeg Glantaf (Caerdydd) ac Ysgol Tryfan (Bangor).

Astudiais yn Adran Hanes a Hanes Cymru Prifysgol Cymru Aberystwyth ac, ar ol graddio gyda dosbarth cyntaf yn 2001, dechreuais waith ymchwil PhD dan nawdd yr AHRC yn Adran Diwinyddiaeth ac Astudiaethau Crefyddol Prifysgol Bangor, a hynny o dan oruchwyliaeth Dr Robert Pope. Testun fy ngwaith ymchwil oedd 'The Life, Work and Thought of Michael Daniel Jones (1822-98)'. Bûm yn Gymrawd Addysgu Cyfrwng Cymraeg dan nawdd HEFCW yn 2004-05.

Gyrfa[golygu | golygu cod y dudalen]

Yn 2006, cefais fy mhenodi yn Swyddog Prosiect a Golygydd Culturenet Cymru, cwmni nid-er-elw ac elusen gofrestredig oedd wedi'i leoli yn Llyfrgell Genedlaethol Cymru. Roedd Culturenet Cymru yn gweithio gyda phartneriaid yn y sector treftadaeth, grwpiau cymunedol ac ysgolion i ddigido deunydd hanesyddol a chreu adnoddau digidol ar eu cyfer. Roedd Culturenet wedi tarddu o Casglu'r Tlysau, a hwnnw oedd y prif brosiect hyd nes i Casgliad y Werin gael ei lawnsio, Roeddwn i'n gweithio yn y lle cyntaf ar Glaniad,gwefan deirieithog sy'n cyflwyno hanes y cymunedau Cymreig ym Mhatagonia trwy gasgliadau cadwrfeydd yng Nghymru a'r Ariannin.

Cefais fy mhenodi yn Rheolwr Culturenet Cymru yn 2009.

Yn 2010, cefais fy mhenodi yn Rheolwr Hawliau a Gwybodaeth, swydd newydd a oedd wedi'i chreu gan y Llyfrgell Genedlaethol. Roeddwn eisoes wedi dechrau ymddiddori mewn trwyddedu agored (e.e. Creative Commons) a'r newid meddylfryd a diwylliant a ddoi gyda hynny. Rwyf wedi bod ynghlwm â newidiadau polisi yn y maes hwn yn y Llyfrgell dros y blynyddoedd diwethaf ac roeddwn yn gysylltiedig â phenodi'r Wicipediwr Preswyl yn 2015.

Rydw i bellach yn Rheolwr Isadran Mynediad Digidol Llyfrgell Genedlaethol Cymru, gyda chyfrifoldeb rheolyddol dros weithgareddau yn ymwneud â phrosiectau Wicipedia a chyfraniad y Llyfrgell i Gasgliad y Werin yn ogystal â mynediad digidol i gasgliadau'r Llyfrgell.

Fy nghyfrifon Twitter Cymraeg ydi @dafyddtudur a @daf_tudur. Mae gen i hefyd gyfrif Saesneg @dafydd_tudur y byddaf yn ei ddefnyddio i drydar yn Saesneg yn achlysurol.