Cymanfa bwnc

Oddi ar Wicipedia
Jump to navigation Jump to search

Cynulliad neu wasanaeth Cristnogol sy'n canoli ar lafarganu a thrafod adnodau o'r Beibl er mwyn ei ddysgu a'i ddeall yw cymanfa bwnc. Yn ôl traddodiad, mae'r adnodau o'r Beibl, sef y 'pwnc', yn cael ei lafarganu ac yna ei 'holi', gan weinidog fel arfer, ar ffurf cyfres o gwestiynau ac atebion. Byddai'r adnodau wedi eu dysgu a'u hastudio o flaen llaw. Weithiau, bydd unigolyn yn cael ei wahodd i holi'r pwnc mewn ymarfer cyn y gymanfa ei hun.

Er bod y traddodiad yn cael ei gysylltu'n bennaf â'r enwadau Anghydffurfiol, tybir y gellir ei olrhain yn ôl i gyfnod cyn teyrnasiad Harri VIII ac ymraniad yr Eglwys Anglicanaidd oddi wrth yr Eglwys Gatholig.[1] Erbyn y 19g, roedd cymanfaoedd pwnc yn cael eu cynnal gan Ysgolion Sul i helpu plant i ddod yn gyfarwydd â chynnwys y Beibl.[2]

Erbyn heddiw, prin iawn yw'r cymanfaoedd pwnc sy'n cael eu cynnal o'u cymharu â chymanfaoedd canu.

Cyfeirnodau[golygu | golygu cod y dudalen]

  1. "Capel: Y Pwnc dan sylw". 2006-06-04. Cyrchwyd 2018-09-19.
  2. Mandelbrote, Scott; Ledger-Lomas, Michael (2013). Dissent and the Bible in Britain, C.1650-1950. OUP Oxford. ISBN 9780199608416.