Camargue

Ardal y Camargue

Ardal yn ne Ffrainc o gwmpas aber afon Rhône, yn département Bouches-du-Rhône, yw'r Camargue. Wrth ddynesu at y Môr Canoldir, mae afon Rhône yn ymrannu yn ddwy ran, y Grand-Rhône a'r Petit-Rhône. Rhennir y Camargue, sydd ag arwynebedd o 145.300ha i gyd, yn dri rhan:

• y Petite Camargue, i'r gorllewin o'r Petit-Rhône,
• y Grande Camargue, rhwng y Petit-Rhône a'r Grand-Rhône,
• y Plan du Bourg, l'r dwyrain o'r Grand-Rhône.

Yng ngogledd yr ardal ceir tiroedd amaethyddol, tra yn y de mae corsydd hallt. Mae'r ardal o bwysigrwydd mawr ar gyfer planhigion ac adar, a chrewyd y Parc naturel régional de Camargue yn 1970. Ymhlith ei nodweddion enwocaf, mae'r ceffylau gwynion.