Djebel Bou Kornine

Oddi ar Wicipedia
(Ailgyfeiriad oddi wrth Bou Kornine)
Jump to navigation Jump to search
Djebel Bou Kornine
North Tunis panorama.JPG
Math mynydd Edit this on Wikidata
Daearyddiaeth
Gwlad Baner Tiwnisia Tiwnisia
Uwch y môr 576 metr Edit this on Wikidata
Cyfesurynnau 36.705°N 10.3333°E, 36.6903°N 10.3628°E Edit this on Wikidata
Cadwyn fynydd Dorsal Tiwnisia Edit this on Wikidata
Golygfa ar Djebel Bou Kornine o gyfeiriad Carthago

Mynydd trawiadol sy'n dominyddu Gwlff Tiwnis yng ngogledd Tiwnisia yw Djebel Bou Kornine (Arabeg: جبل بوقرنين), hefyd Djebel Boukornine neu Bou Kornine/Boukrnine; Bou Garnine ar lafar), sy'n codi i uchder o 576 metr uwchben trefi Hammam Lif a Borj Cedria yn nhalaith Ben Arous, ger Tiwnis. Mae'r mynydd calchfaen hwn yn cynrychioli un o'r copaon olaf cadwyn Dorsal Tiwnisia i gyfeiriad y dwyrain.

Daw'r enw o'r Arabeg dafodieithol bou garnine sy'n golygu "mynydd â dau gorn". Fe'i gelwir felly oherwydd ei ddau gopa gefaill (576m a 493 m). Mae'n bosibl fod yr enw yn tarddu o gyfnod u Carthaginiaid pan gafodd ei gysegru i'r duw Baal Karnine ('duw dau gorniog' yn yr iaith Ffeniceg).

Mae'n rhan o Barc Cenedlaethol Boukornine, parc bychan o 1939 hectar sy'n gartref i sawl rhywogaeth o anifeiliaid a phlanhigion. Gorchuddir llethrau'r mynydd â phinwydd Aleppo bytholwyrdd.

Lleolir gorsaf ddarlledu radio a theledu ar gyfer Tiwnis Fwyaf ger y copa. Gellir cyrraedd y llethrau uchaf ar hyd ffordd jip o Borj Cedria.