Asclepius

Oddi ar Wicipedia
Asclepius
Enghraifft o'r canlynolduw Groeg, health deity Edit this on Wikidata
Tudalen Comin Ffeiliau perthnasol ar Gomin Wicimedia

Duw meddygaeth Groeg yr Henfyd yw Asclepius (Groeg: Ασκληπιός) neu Aesculapius (Lladin). Yn ôl y chwedl roedd yn fab i Apollo, duw Iachau, gan Coronis, merch y brenin Phlegyas o Thessalia. Roedd ei blant yn cynnwys Hygieia, duwies Iechyd. Portreadir y duw gan amlaf gyda'i ffon â neidr yn dolenni o'i chwmpas. Symbol o ddadeni a darogan oedd y neidr hon.

Bu gan Asclepius nifer o demlau yn yr Henfyd. Lleolid nifer o'r rhain ger ffynhonnau sanctaidd neu ar fryniau. Cyrchai pobl y temloedd i geisio gwella o'u hafiechydon. Byddent yn cysgu yn y deml ac yn cael cyfarwyddiad yn eu breuddwydion a'r offeiriad-feddygon yn eu dehongli iddynt wedyn.

Daeth addoliad y duw i ddinas Rhufain ar orchymyn Llyfrau'r Sibyl ar ôl pla 293 CC. Cedwid nadroedd, symbol Asclepius, yn y temlau a godwyd iddo. Yn ddiweddarach uniaethid Asclepius â'r duw Eifftaidd Serapis.

Eginyn erthygl sydd uchod am fytholeg. Gallwch helpu Wicipedia drwy ychwanegu ato