Cyngor Dinas a Sir Abertawe

Cyngor Dinas Abertawe

Logo Cyngor Dinas a Sir Abertawe
Arfbais Cyngor a Dinas Abertawe
Rheolaeth	Democratiaid Rhyddfrydol / Annibynnol Clymblaid
AS	Martin Caton Sian James Alan John Williams
Gwefan swyddogol	swansea.gov.uk

Cyngor Dinas a Sir Abertawe(Saesneg:Swansea City Council) yw corff llywodraethol un o Brif Ardaloedd Cymru sy'n cynnwys Abertawe, Gwyr a'r ardal gyfagos. Mae'r cyngor yn cynnwys 72 o gynghorwyr sy'n cynrychioli 36 etholaeth.

Ar hyn o bryd, rheolir y cyngor gan y Democratiaid Rhyddfrydol o dan arweinyddiaeth y Cynghorydd Christopher Holley.

Cyfansoddiad gwleidyddol

Cynhelir etholiadau bob pedair blynedd. Cynhaliwyd yr etholiad diwethaf ar 1 Mai 2008.[1]

Blwyddyn	Llafur	Ceidwadol	Democratiaid Rhyddfrydol	Plaid Cymru	Eraill	Nifer a bleidleisiodd	Nodiadau
2008	30	4	23	1	14	38.19%	Dim rheolaeth lawn, Rheolaeth Gweinyddiaeth Abertawe
2004	32	4	19	5	12	38.32%	Dim rheolaeth lawn, Rheolaeth Gweinyddiaeth Abertawe
1999	45	4	11	3	9		Rheolaeth Llafur
1995							Rheolaeth Llafur

ffynhonnell: [2]

Rhwng 1996 a 2004, roedd y cyngor o dan reolaeth y Blaid Lafur. Ers 2004 ni fu rheolaeth lawn gan unrhyw blaid unigol a rheolir y cyngor gan glymblaid y Democratiaid Rhyddfrydol gyda chydweithrediad cynghorwyr annibynnol a'r Blaid Geidwadol. Gelwir hyn yn Weinyddiaeth Abertawe. Fodd bynnag, newidiodd yr ystadegau hyn rhwng 2004-2008 pan symudodd y Cyngh. Keith Morgan o Blaid Cymru i'r Democratiaid Rhyddfrydol Cymreig yn 2005 a'r Cyngh. Rene Kinzett o'r Democratiaid Rhyddfrydol Cymreig i'r Blaid Geidwadol yn 2006.

Yn dilyn etholiadau 2008, cytunodd y Democratiaid Rhyddfrydol i ffurfio clymblaid gyda'r cynghorwyr annibynnol am y bedair blynedd nesaf.