Wicipedia:Croeso, newydd-ddyfodiaid

Croeso i'r Wicipedia Cymraeg!

Mae Wicipedia yn wyddoniadur sy'n cael ei ysgrifennu gan y darllenwyr eu hunain. Gall unrhywun, gan gynnwys chi, olygu unrhyw erthygl drwy glicio ar y botwm golygwch sy'n ymddangos ar frig pob erthygl Wicipedia.

Pori Wicipedia

Er fod y Wicipedia Cymraeg dal yn fach o gymharu â fersiynau mewn ambell i iaith arall, mae'r storfa o wybodaeth yn tyfu'n ddyddiol. Y ffordd orau i chwilio am bwnc yw trwy'r bocs ar ochr chwith y dudalen. Teipiwch eich testun yn y blwch a cliciwch ar Ewch. Os nad oes erthygl ar y pwnc hwnnw, daw sgrîn chwilio i fyny sy'n dangos pob ymddangosiad y testun yn y gwyddoniadur.

Os ydych chi'n hoffi erthygl, beth am fynd i'r dudalen sgwrs (cliciwch ar sgwrs ar frig yr erthygl) a gadael nodyn yno (cliciwch ar golygwch). Mae pawb yn hoffi ychydig o ganmoliaeth!

Efallai nad yw'r Wicipedia Cymraeg yn ateb eich cwestiwn. Os felly, ewch i'r desg gyfeirio a gadewch nodyn yno -- mae gennym griw o ymchwilwyr dawnus a fydd yn fwy na pharod i helpu!

Golygu

Gall unrhywun olygu unrhyw dudalen ar y Wicipedia (hyd yn oed y dudalen hon!). Os oes angen newid rhywbeth yn yr erthygl, y cwbl sydd angen gwneud yw clicio ar y botwm golygwch ar frig y dudalen. Am fwy o gymorth technegol am olygu tudalennau, ewch yma. Does dim rhaid i chi fod yn arbenigwr, na hyd yn oed mewngofnodi. Os yw'r posibilrwydd o sarnu erthyglau yn eich gofidio, gallwch fynd i'r blwch tywod i arbrofi. (Mae yna ambell dudalen pwysig sydd wedi'u amddiffyn: mae hyn yn golygu fod yn rhaid bod yn weinyddwr er mwyn eu newid.)

Os gwelwch gamgymeriad ffeithiol, gwall iaith, neu unrhywbeth arall sydd angen ei newid, golygwch â hyder! Bydd neb yn eich beirniadu am wneud camgymeriadau: mae wastad modd i chi, neu rywun arall, drwsio problemau sy'n codi.

Dyfal donc a dyrr y garreg.

Ar y llaw arall, mae gan y Wicipedia ambell bolisi sydd yn bwysig i'w parchu. Yn benodol, mae'r polisi niwtraliaeth yn golygu y dylai pob erthygl fod yn hollol ddiduedd, trwy beidio â chefnogi na barnu ochr benodol mewn pynciau dadleuol. Efallai fod rhywun wedi newid eich cyfraniad i erthygl; edrychwch ar hanes y dudalen (cliciwch ar y botwm hanes ar frig y dudalen) neu'r dudalen sgwrs er mwyn darganfod rhesymau pam.

Mae pob cyfraniad i Wicipedia yn cael ei ryddhau o dan dermau'r Drwydded Dogfennaeth Rhydd GNU (GFDL), sy'n golygu y gall Wicipedia gael ei ddosrannu'n rhydd am byth (gweler Wicipedia:Hawlfraint).

Yn bennaf oll, mwynhewch!

Creu cyfrif

Er fod unrhywun yn gallu cyfrannu i erthyglau Wicipedia, mae yna fanteision mewn cael cyfrif. Cliciwch ar mewngofnodi ar frig y dudalen er mwyn creu cyfrif newydd.

Mwy o gwestiynau?

Mae'r Caffi wedi'i sefydlu er mwyn i unrhywun ofyn cwestiynau neu gyhoeddi newyddion am y Wicipedia. Mae croeso i chi gyfrannu!